दाङ, १४ वैशाख - ग्लोबल ओरियन्स नेपालको पाँचौ वार्षिक उत्सवका अवसरमा घोराही शाखाले रक्तदान कार्यक्रम गरेको छ । स्वास्थ्य र सौन्दयका नेपाली उत्पादनलाई प्राथमिकतामा राखी आफ्ना ग्राहकहरुलाई गुणस्तरीय सामग्रीहरु बिक्री गर्दै आएको ग्लोबल ओरियन्स नेपालको वार्षिक उत्सवका अवसरमा सामाजिक उत्तरदायित्व अन्तर्गत रक्तदान कार्यक्रम गरेको घोराही शाखाका अस्मिता चौधरीले बताउनुभयो ।

ओरियन्सका मिसन भट्टराईका अनुसार रक्तदान नै जिवनदान भन्ने कुरालाई आत्मसाथ गर्दै ग्लोबल ओरियन्स नेपाल घोराही शाखामा जोडिएका युवाहरुद्वारा रक्तदान गरिएको बताउनुभयो । रक्तसञ्चार केन्द्र घोराहीको प्राविधिक सहयोगमा सम्पन्न भएको कार्यक्रममा ८३ जनाले रक्तदान गरेका थिए ।

रक्तसञ्चार केन्द्र घोराहीका प्रमुख दिलिप न्यौपानेसहितको टोलीले कार्यक्रममा सक्रिय सहभागिता जनाएको थियो । प्रमुख न्यौपानेले ग्लोबल ओरियन्स नेपाल घोराही शाखाप्रति कार्यक्रम आयोजनाका लागि धन्यवाद व्यक्त गर्नुभयो । उहाँले विगतका वर्षहरुमा पनि शाखाले रक्तदान कार्यक्रम आयोजना गरेको स्मरण गर्दै यस किसिमका सामाजिक कार्यले समुदायमा सकारात्मक सन्देश फैलाउँछ र संकटको बेला रगतको अभाव हुन नदिन मद्दत पुर्याउने बताउनुभयो ।

स्वास्थ्य र सौन्दयका नेपाली उत्पादनलाई प्राथमिकतामा राखी आफ्ना ग्राहकहरुलाई गुणस्तरीय सामग्रीहरु बिक्री गर्दै आएको ग्लोबल ओरियन्सले आयोजना गरेको कार्यक्रममा रक्तदान गरेका युवाहरुले रक्तदानले आफैमा विशेष सन्तुष्टि र मानवीय कर्तव्य पूरा गरेको महसुस गराएको बताएका थिए ।