कमिरेचौर २० चैत -  दाङको बंगलाचुली गाउँपालिकामा कक्षा ८ को नतिजा कमजोर देखिएको छ । गाउँपालिका भर जम्मा २०.१ प्रतिशत विद्यार्थी मात्र उतिर्ण भएको हो । गाउँपालिकाले आज सार्वजनिक गरेको नतिजा अनुसार गाउँपालिका भरबाट ४ सय ७८ जनाले परिक्षा दिएकोमा जम्मा ९६ जना मात्र उतिर्ण भएको हो ।
 

जसअन्तर्गत प्रतिशतको हिसाबले सबै भन्दा धेरै त्रिभुवन जनआधारभुत विद्यालय फाँटामा ६९.२ प्रतिशत विद्यार्थी उतिर्ण भएका छन । उक्त विद्यालयमा १३ जना विद्यार्थीले परिक्षा दिएकोमा ९ जना विद्यार्थी उतिर्ण भएका छन ।

यस्तैगरी सार्वजनिक नतिजा अनुसार सबैभन्दा कमजोर नतिजा कालिका आधारभुत विद्यालय वढिपोखराको देखिएको छ । जहाँ ४.५५ प्रतिशत विद्यार्थी उतिर्ण भएका छन । सो विद्यालयमा २२ जना विद्यार्थीले परिक्षा दिएकोमा १ जना मात्र विद्यार्थी उतिर्ण भएका छन । यस्तै सुधा माध्यमिक विद्यालय झेलनेटामा ३८ प्रतिशत विद्यार्थी उतिर्ण भएका  छन । उक्त विद्यालयमा ७९ जनाले परिक्षा दिएकोमा ३० जना विद्यार्थी उतिर्ण भएका छन ।

यस्तैगरी महेन्द्र मावि स्युजामा ४२ जनाले परिक्षा दिएको मा ११जना उतिर्ण भएका छन । यस्तै आधारभूत विद्यालय मर्पेसमा ३१ जनाले परिक्षा दिएकोमा २ जना मात्र उतिर्ण भएका छन । महेन्द्र आधारभुत विद्यालय तापामा १२ जनाले परिक्षा दिएकोमा १ जना , महेन्द्र माध्यमिक विद्यालय श्रीवारीमा ४२ जनाले परिक्षा दिएकोमा ४ जना, आधारभुत विद्यालय दाङवाङमा ३२ जनाले परिक्षा दिएकोमा २ जना , मावि भेडाबारी मुलाबारीमा ४८ जनाले परिक्षा दिएकोमा ६ जना विद्यार्थी उतिर्ण भएका छन।

यस्तैगरी जनकल्याण आधारभुत विद्यालय हंसपुरमा  ५ जनाले परिक्षा दिएकोमा ३ जना, डाँफे आधारभूत विद्यालय चिउरीडाँडामा १० जनाले परिक्षा दिएकोमा १ जना, सुधा आधारभूत विद्यालय जरेमा ६ जनाले परिक्षा दिएकोमा ३ जना, बालज्योति आधारभुत विद्यालय लाहापेमा २७ जनाले परिक्षा दिएकोमा ३ जना, खड्ग माध्यमिक विद्यालय हाँसिपुरमा ४१ जनाले परिक्षा दिएकोमा २ जना उतिर्ण भएका छन ।

यस्तैगरी सरस्वती माध्यमिक विद्यालय जबरकोटमा ३९ जनाले परिक्षा दिएकोमा १४ जना र नेपाल राष्ट्रिय आधारभुत विद्यालय कुडुँलेमा २९ जनाले परिक्षा दिएकोमा ४ जना मात्र उतिर्ण भएका छन । बंगलाचुली गाउँपालिकाले सबैभन्दा धेरै बजेट शिक्षा क्षेत्रमा हालेपनि विद्यालयको नतिजा भने निराशाजनक देखिएको हो ।