दाङ ,१८ चैत -  भूमि समस्या समाधान आयोग, दाङले दाङकाे शान्तिनगर गाउँपालिकामा आज सहजिकरण समिति गठन गरेको छ। 

शान्तिनगर  गाउँपालिका अध्यक्ष प्रमाेद वस्नेतकाे   अध्यक्षता तथा  भूमि समस्या समाधान आयाेग , दाङका अध्यक्ष हुकुम बहादुर बस्नेतको प्रमुख आतिथ्यतामा सहजिकरण समिति गठन गरिएको हो।  गठित समितिमा गाउँपालिका अध्यक्ष प्रमाेद वस्नेत   संयोजक तथा गाउँपालिका उपप्रमुख प्रेमा के सि  उपसंयोजक रहने गरि १० सदस्य सहजिकरण सदश्य समिति गठन गरएकाे हाे ।

कार्यक्रमलाई सम्बोधन गर्दै  भूमि  समस्या समाधान आयोग, दाङका अध्यक्ष हुकुम बहादुर बस्नेतले छिट्टै नै   जिल्लाका भूमिहीन दलित, सुकुम्बासी तथा अवस्थित बसोबासीहरूलाई लालपुर्जा वितरण गर्ने गरी काम भइरहेको बताउनु भयाे । उहालेले आयोगको प्रमुख उद्देश्य नै वास्तविक भूमिहीन तथा सुकुम्बासी परिवारलाई जग्गा वितरण गरी उनीहरूको जीवनस्तर सुधार गर्नु रहेको बताउनु भयाे। साथै, बस्नेतले जग्गा वितरण प्रक्रिया पारदर्शी, निष्पक्ष र प्रभावकारी बनाउन स्थानीय तह, सरोकारवालाहरू तथा नागरिक समाजको सक्रिय भूमिका आवश्यक रहेको उल्लेख गर्नभयाे।
समितिका संयोजक एवं गाउँपालिका अध्यक्ष प्रमाेद वस्नेतले यस प्रक्रियालाई व्यवस्थित रूपमा अघि बढाउन सबै पक्षहरूबीच सहकार्य आवश्यक रहेको बताउनु भयाे। उहाले लालपुर्जा वितरण प्रक्रियामा कुनै पनि प्रकारको राजनीतिक हस्तक्षेप वा अन्य अवरोध हुन नदिने प्रतिबद्धता व्यक्त गर्नुभयाे।सो अवसरमा उपस्थित स्थानीय अगुवाहरूले भूमिहीन तथा सुकुम्बासीको समस्या समाधानका लागि राज्यले लिएको यो कदम सराहनीय रहेको भन्दै यथाशीघ्र लालपुर्जा वितरण कार्य सम्पन्न गर्न आग्रह गरेका छन्।

कार्यक्रममा भुमि समस्या समाधान आयाेग का  जिल्ला सदश्य हिरा देवि पुन , पालिका उपाध्यक्ष प्रेमा केसि , नेकपा एमाले का शान्तिनगर सचिव राकेश वुढाथाेकि , नेपाली काङ्ग्रेस का सभापति झलक केसि  , नेकपा माओवादीका प्रतिनिधि नेव वहादुर राेका  लगाएतकाले वाेल्नुभएकाे थियाे  । कार्यक्रममा विभिन्न सरकारी निकायका राजनितिक प्रतिनिधि, सरोकारवाला संघसंस्थाका प्रतिनिधि, स्थानीय नेताहरू तथा नागरिकहरूको उल्लेखनीय उपस्थिति रहेको थियो।

शान्तिनगर गाउँपालिका प्रमुख प्रशासकिय अधिकृत भेष राज चन्दकाे स्वागत मन्तव्य वाट सुरू भएकाे कार्यक्रम काे सहजिकरण भुमि समस्पाया समाधान आयाेग शान्तिनगर गाउँपालिका फाेकल प्रसन यादव भुसाल ले गर्नुभएकाे थियाे  ।