कमिरेचौर १५ चैत - सिटिजन लाईफ इन्स्योरेन्स क लिमिटेड घोराही शाखाले दाङको बंगलाचुली गाउँपालिकामा एकजनालाई मृत्यु दावि रकम भुक्तानी गरेको छ ।

दाङको बंगलाचुली गाउँपालिका वडा नम्बर ६ रिभानका विमित हर्क महराको मृत्यु भएपछि मृत्यु दावि रकम उहाँको श्रीमती मिना महरालाई हस्तान्तरण गरिएको हो । अभिकर्ता दोर्ण बहादुर महरा मार्फत उहाँले ३ लाख रुपैया बराबरको सिटिजन लाई इन्स्योरेन्स घोराही शाखामा विमा गर्नुभएको थियो ।

दाङको बंगलाचुली गाउँपालिकाको कार्यालयमा आज एक कार्यक्रमको आयोजना गरि ३ लाख को दावी रकम ३ लाख ७५ हजार २ सय रुपैयाको चेक हस्तान्तरण गरिएको हो । सो रकम बंगलाचुली गाउँपालिका अध्यक्ष तुल्सिराम पुन, उपाध्यक्ष भक्त बहादुर जिसि, प्रमुख प्रशासकीय अधिकृत चन्द्रकान्त पौडेल, वडा नम्बर ६ का अध्यक्ष डोम बहादुर केसि, अभिकर्ता दोर्ण बहादुर महरा र सिटिजन लाईफ इन्स्योरेन्स घोराही शाखा प्रमुख निशेष अधिकारीको रोहबरमा हस्तान्तरण गरिएको हो ।
कार्यक्रमको सहजिकरण अभिकर्ता दोर्ण महराले गर्नुभएको थियो ।