दाङ  - नेपाली काँग्रेसका नेता दिपक गिरीले नेपाल विद्युत् प्राधिकरणका कार्यकारी निर्देशक कुलमान घिसिङलाई हटाउने विषय सही नभएको टिप्पणी गर्नुभएको छ ।

सामाजिक संजाल फेसबुक वालमा लेख्दै केही महिना मात्र पद बाँकी रहेका बेला राम्रो काम गर्न रातदिन खटेका व्यक्तिलाई प्राधिकरणको जिम्मेवारीबाट हटाउनु सही नभएको बताउँदै यसको दोष सरकारले मात्रै नभएर नेपाली काँग्रेसले पनि लिनुपर्ने बताउनुभएको छ । मुलुकको  गणतान्त्रिक पद्धतिप्रति नै प्रश्नहरू उठिरहेका बेला यस्ता  प्रत्युत्पादक निर्णयहरू नगर्न गिरीले सरकार  र नेतृत्वलाई अनुरोध गर्नुभएको छ ।

नेता गिरीले लेख्नुभएको ‘म सामाजिक संजालमा त्यति स्टाटस लेख्दिनँ।  आफ्नो स्वास्थ्य उपचार पछि भर्खरै काठमाडौँ फर्किएको छु ।  तर आफ्नो भन्दा पनि देशको राजनीति, लोकतन्त्रको स्वास्थ्यलाई लिएर चिन्तित छु। केही महिना मात्रै पद बाँकी रहेका, देशमा राम्रो गर्न  रात दिन खटेका व्यक्तित्वलाई विद्युत प्राधिकरणबाट हटाउने निर्णय सही भएन।  यसको दोष सरकारले मात्रै होइन्, हाम्रो पार्टीले पनि व्यहोर्नै पर्छ। मुलुकको  गणतान्त्रिक पद्धतिप्रति नै प्रश्नहरू उठिरहेका बेला यस्ता  प्रत्युत्पादक निर्णयहरू  नगर्न म सरकारलाई र नेतृत्वलाई अनुरोध गर्दछु ।्

दाङ क्षेत्र नं ३ बाट सङ्घीय प्रतिनिधि सभा सदस्य समेत रहनु भएका गिरीले अति भयो ! अति भयो ! अति भए , खती हुन्छ !! यहाँ धेरै कुराहरू अति भईरहेकाछन् !! भन्ने स्टाटस लेखेको केही समय पछि पुनः अर्को स्टाटस लेख्नु भएको थियो । सोमबार बसेको मन्त्रिपरिषद् बैठकले घिसिङलाई प्राधिकरणको कार्यकारी निर्देशकबाट पदमुक्त गर्ने निर्णय गरेपछि सामाजिक संजालमा पक्षविपक्षमा विरोधहरु भइरहेका छन् । साभार तुलसीपुर खबर