काठमाडौं - शिक्षक सेवा आयोगले निम्न माध्यमिक तह, तृतीय श्रेणी, शिक्षक पदको प्रतियोगितात्मक परीक्षाको विज्ञापन गरेको छ । आयोगले सामुदायिक विद्यालयको निम्न माध्यमिक तह, तृतीय श्रेणी, शिक्षक पदमा खुला तथा समावेशी प्रतियोगितात्मक परीक्षाबाट स्थायी पदपूर्तिका लागि विज्ञापन गरेको हो ।  आयोगले निम्न माध्यामिक तह, तृतीय श्रेणी शिक्षक पदको लागि सात सय ७८ जनाको  रिक्त पदमा विज्ञापन खुलाएको छ । आयोगले विषयगत लिखित परीक्षा (सामान्य) आगामी २०८१ वैशाख ८ गते सञ्चालन गर्ने भएको छ भने विषयगत परीक्षा सामान्यको नतिजा सार्वजनिक गरेपछिमात्र गर्ने सूचनामाउल्लेख गरेको छ ।

 आयोगले नेपाली विषयको लागि ११७  रिक्त पदमा, अंग्रेजी विषयको लागि १७६ रिक्त पदमा, गणित विषयको लागि १२८ रिक्त पदमा, विज्ञान विषयको लागि १६३  रिक्त पदमा देशभरबाट आवेदन माग गरेको छ ।

त्यस्तैगरी सामाजिक विषयमा १२२  जना शिक्षक, गणित रविज्ञानमा ६५ जना शिक्षक, शुक्लयजुर्वेद विषयका लागि १ जना, संस्कृत भाषाको लागि ५ जना,  र  कम्प्युटर विज्ञान विषयका एक जना रिक्त दरबन्दीमा शिक्षक माग गरेको छ ।

न्यूनतम योग्यता पुगेका इच्छुक उम्मेदवारबाट फागुन ०२ गतेदेखि २०८० साल चैत १ गतेसम्म २८  नियमित दस्तुरमा र चैत ८ गतेसम्म दोब्बर दस्तुरमा आवेदन दिन सक्ने सूचनामा उल्लेख  गरिएको छ।

कुन प्रदेशमा कुन विषयको कति विज्ञापन खुल्यो हेर्नका लागि तलको लिंक खोल्नुहोला ।