भालुबाङ, १ चैत - राप्ती गाउँपालिकाको नवौँ स्थापना दिवसकाे अवसरमा क्रियटिङ पोसिबिलिटिज (सिपी) नेपाल संस्थाले उत्कृष्ट कृषक, उद्यमी, शिक्षक र विद्यार्थी गरी चार जनालाई सम्मान गरेको छ।

राप्ती गाउँपालिका सँगकाे सहकार्यमा "सहकार्य र उत्कृष्टता: कृषि, शिक्षा र उद्यमशीलतामा सम्मान कार्यक्रम" अन्तर्गत वडा नम्बर ५ कालापानीका कृषक दीपक बुढा मगर, वडा नम्बर ८ पिपरीकाे लालीगुराँस साबुन तथा धूप उद्योग समूह, ज्ञानोदय माध्यमिक विद्यालय पत्थरगढवाका शिक्षक रविन चौधरी र सर्वोदय माध्यमिक विद्यालय सिसहनियाँका विद्यार्थी राजीव योगीलाई सम्मान गरिएको हाे।

सम्मानित व्यक्ति तथा संस्थालाई प्रमाणपत्रसहित जनही २५ हजार रुपैयाँ नगद प्रदान गरिएको संस्थाका कार्यक्रम अधिकृत हेमराज शर्माले जानकारी दिनुभयो ।