गढवा - दाङ देउखुरिको गढवा गाउँपालिकाको नवौं स्थापना दिवसको अवसरमा विशेष समारोहको साथ मंगलवार विविध कार्यक्रमका साथ सम्पन्न भएको छ।

गाउँपालिकाका अध्यक्ष यमनारायण शर्मा पोख्रेलको अध्यक्षता तथा लुम्बिनी प्रदेश सभामुख तुल राम घर्ति मगर वको प्रमुख आतिथ्य तथा लुम्बिनी प्रदेश सभा सदस्य तथा पूर्व स्वास्थ्य मन्त्री इन्द्रजित थारुको विशिष्ट आतिथ्यमा सम्पन्न भएको हो।
बिशेष समारोहलाई सम्बोधन गर्दै प्रमुख अतिथि तथा लुम्बिनी प्रदेश सभामुख तुल राम घर्ति मगरले स्थानीय तह २२ वटा एकल अधिकार सम्पन्न स्वायत्त निकाय भएको र ५ बर्षको स्थिर सरकार संचालन गर्ने अख्तियारी प्राप्त निकाय भएकोले बलियो सरकार भएको बताउनु भयो । देशको बिकास र समृद्धिमा स्थानीय सरकारको निकै महत्वपूर्ण योगदान रहने उहाको भनाई थियो । आफ्नो कानून आफै बनाएर ५ बर्ष नहल्लिएरै काम गर्न सक्ने निकाय स्थानीय सरकार भएकोले संघीय प्रणालीको महत्वपूर्ण अंग भएको सभामुख मगरले बताउनुभयो । संघीयता नेपालका लागि पहिलो अभ्यास हो, यसलाई आर्थिक ब्ययभारका रुपमा मात्र होईन राजनितिक रुपमा बुझ्नु पर्छ, कतिपय पश्चगामी शक्तिहरुले यसलाई गलत ढंगले प्रचारवाजी गरिरहेका छन् यसको कार्यान्वयन र लोकतन्त्रबाट प्राप्त उपलब्धिहरुलाई संस्थागत गर्नु सबै राजनितिक दलहरुको कर्तब्य भएको बताउनुभयो । प्रदेश र संघमा स्थायी सरकार नहुने अवस्थाले सत्ता सञ्चालनमा अस्थिरता पैदा हुने गरेकाले पनि काम गर्न असहज हुने गरेको र केहि जमातहरुबाट लोकतन्त्र र संघियता टिप्पणिको बिषय भएको उहाले स्पष्ट पार्नु भयो। स्थानीय तह निजामति ऐन बन्दै गरेको र केहि जटिलताहरु फूकाउने गृहकार्य प्रदेश सरकारबाट भैरहेको जानकारी समेत दिनु भयो ।

कार्यक्रमलाई सम्बोधन गर्दै लुम्बिनी प्रदेश सरकारका पूर्व स्वास्थ्यमन्त्री तथा प्रदेश सभा सदस्य इन्द्रजित थारुले लोकतन्त्रको आगमन भएपश्चात् देशमा बिकास र समृद्धिले फड्को मारेको बताउँदै संघीयता र गणतन्त्रको बिरुद्धमा गलत अफवाह फैलाउने गणतन्त्र बिरोधी शक्ति भएको टिप्पणी गर्नुभयो । स्थानीय सरकार स्थायित्वको स्वायत्त सरकार भएकोले यसको माध्यमबाट स्थानीय तहमा कृषि, स्वास्थ्य, शिक्षा लगायत मानव संसाधनको बिकास र उत्पादनमुखी प्रणाली अघि बढाउन धेरै संभावना छ–उहाले भन्नु भयो । स्थानीय सरकार गाउँपालिकाको अवधारणबाट नगरपालिकामा रुपान्तरण गर्ने सबैखालका संरचनाको बिकास नहुदै उपमहानगरपालिकामा रुपान्तरण गर्ने बहस र सपना देख्नु चिया पसलमा राजनितिक ब्यरोजगारहरुले गर्ने गफ भएको उनले टिप्पणि समेत गर्नु भयो । स्थानीय सरकारलाई नै जनताको आधारभूत आवश्यकता परिपूर्ति गर्नेगरी ब्यवस्थित ढंगले चलाऔं, अहिले नगरपालिकाको संरचना बिकास नहुदै गाउँपालिकाहरुलाई उपमहानगर बनाउने सपना देखेर आम जनताहरुलाई राजश्व तिर्ने ब्ययभार नथपौं–उहाले आम नागरिकको पक्षमा बोल्नु भएको थियो ।

त्यसैगरी पालिकाको नवौं स्थापना दिवसको अवसरमा गाउँपालिकाले "गणतन्त्रकर्मी द्वयसहित १२ जना पत्रकारलाई सम्मान" समेत गरिएको छ।
जसमा गणतन्त्र राष्ट्रिय दैनिकका सञ्चालक तथा प्रकाशनक सविन प्रियासन, लमही प्रमुख शिव खनाल, नेपाल टेलिभिजनका दशरथ घिमिरे, युगबोध राष्ट्रिय दैनिकका शिवराज पन्थी, गोरखापत्र राष्ट्रिय दैनिकका दिवाकर पोखरेल, गोरखापत्र राष्ट्रिय दैनिक र बुटवल टुडे राष्ट्रिय दैनिकीकी चुमा आचार्य, सामुदायिक रेडियो साझा आवाज गढवाका दुखहरण यादव,सिस्ने अनलाइनका श्रवण कुमार यादव,दंगाली अनलाइन खबरका मुक्तिराम पौडेल, सिधा पत्र अनलाइनका मेघमन बुढा, देउखुरी टुडे डटकमका ओमप्रकाश गुप्ता,गोरक्ष राष्ट्रिय दैनिकका टेकबहादुर पुन लाई सम्मानपत्र सहित सम्मान गरिएको हो ।

बिशेष समारोह कार्यक्रममा जिल्ला समन्वय समिति दाङका प्रमुख नित्यान्द शर्मा, राप्ती गाउँपालिकाका अध्यक्ष प्रकाश बिष्ट, राजपुर गाउँपालिकाका उपाध्यक्ष धनपति देवि यादव र गढवा गाउँपालिकाका पूर्व अध्यक्ष सहज राम यादव लगायतकाले शुभकामना मन्तव्य व्यक्त गर्नुभएको थियो । सो अवसरमा ११५ औं अन्तर्राष्ट्रिय श्रमिक महिला दिवस र पालिका स्थापना दिवसको अवसरमा आयोजित बिभिन्न खेलकुद कार्यक्रमका बिजेताहरुलाई पुरस्कार र प्रमाणपत्र प्रदान गरिएको थियो ।

गढवा गाउँपालिकाको नवौँ स्थापना दिवसको अवसरमा निवर्तमान गाउँपालिका अध्यक्ष सहजराम यादव,उपाध्यक्ष शान्ति चौधरी निमित्त कार्यकारी अधिकृत बुद्धिमान चौधरी
त्यसैगरी गढवा गाउँपालिकामा उत्कृष्ट कार्यसम्पादन गर्ने फुलन्देवी चौधरीलाई समेत सम्मान गरेको जनाएको छ।

कृषितर्फ अन्जित चौधरी, वीरेन्द्र शाह, टेकेन्द्र रावत क्षेत्री, रामबहादुर चौधरी, दीपा पुन ,फरक क्षमता भएका तरकारी उत्पादक किसान तिलक परियार, त्यसैगरी पशु विकासतर्फ प्रभात न्यौपाने यमबहादुर खासु, भीमकला रोका, कालीप्रसाद चौधरी ,टंकबहादुर बुढाथोकी ,अन्जु एग्रो प्राली, रामबहादुर भण्डारी, पवित्रा जिसीलाई सम्मान गरेको छ ।

त्यसैगरी गाउँपालिकाको नवौँ स्थापना दिवसको अवसरमा सबैभन्दा बढी राजस्व दाखिला गर्ने उद्योगतर्फ मध्यपश्चिम क्रसर उद्योग र व्यवसायतर्फ चन्द्रवीर कामीलाई सम्मान गरेको छ।
त्यसैगरी गढवा गाउँपालिकामा स्वास्थ्य क्षेत्रमा उत्कृष्ट कार्यसम्पादन गर्ने गढवा स्वास्थ्य चौकीलाई सम्मान गरेको छ भने गढवा गाउँपालिकाका सामुदायिक विद्यालयमा उत्कृष्ट नतिजा दिन सफल सरस्वती माध्यमिक विद्यालय गढवा ३ विद्यानगर गोबरडिहा, र धार्मिक विद्यालय तर्फ जियाउल तौहिद प्रावि गढवा-६ रामपुरलाई सम्मान गरेको छ।

त्यसैगरी समयमा काम सम्पन्न गर्ने निर्माण व्यवसायीतर्फ अम्बे निर्माण सेवाका सञ्चालक उमाकान्त घिमिरेलाई समेत सम्मान गरेको गाउँपालिकाले जनाएको छ।

त्यसैगरी महिला स्वास्थ्य स्वयंसेविका तर्फ ८ वटै वडाबाट एक/एक जना महिला स्वास्थ्य स्वयंसेविकालाई सम्मान गरेको छ भने जेष्ठ नागरिकतर्फ भर्थरी चौधरी, कमारी दमाई ,जोखन् चौधरीलाई सम्मान गरेको छ। त्यसैगरी गढवा गाउँपालिका स्तरीय उत्कृष्ट सहकारी सहकारी तर्फ उनको बचत तथा ऋण सहकारी संस्था लिमिटेड गढवा ५ दाङलाई सम्मान गरेको छ भने लेखन तथा साहित्यतर्फ भगवतीप्रसाद चौधरी, जगतराम यादव र हरिप्रसाद पोखरेललाई सम्मान गरिएको छ ।

त्यसैगरी चित्रकलातर्फ भीमबहादुर विश्वकर्मा गढवा गाउँपालिका वडा नं १ लाई सम्मान गरिएको छ भने स्थानीय कला तथा संस्कृति संरक्षणतर्फ गढवा गौशाला तथा स्थानीय प्रजातिको गाई संरक्षण केन्द्रलाई सम्मान गरिएको छ भने गढवा पन्चेबाजा तथा कला संस्कृति संरक्षण केन्द्र, नेपाल अवधि संस्कृति संरक्षण प्रतिष्ठान केन्द्रीय कार्यालय गढवा -६ दाङ र माटोको भाडा बनाउने श्री लिला कुमारलाई सेरामिक्स तर्फको उत्कृष्ट कार्यको मूल्याङ्कन गर्दै सम्मानित गरेको छ।

त्यसैगरी शान्ति सुरक्षा तथा व्यवस्थापनमा उल्लेखीय कार्य गरेवापत इलाका प्रहरी कार्यालय गढवालाई सम्मान गरेको छ भने एन्टी नार्कोटिक फाउन्डेसन गढवा ३ लाई पनि सम्मान गरेको छ। त्यसैगरी विपद व्यवस्थापनको उल्लेख्य कार्य गर्ने शंकर पाण्डेलाई समेत सम्मान गरेको छ।
त्यसैगरी कृषि उपजसंकलन तथा बजारीकरणको क्षेत्रमा श्री गढवा सामाजिक उद्यमी महिला सहकारी संस्था लिमिटेड गढवा ६, त्यसैगरी स्थानीय स्रोत साधनको प्रयोग गरेर दुना टप्परी निर्माण गर्दै आएको लालुगुराँस उद्यमी समूह गढवा-१ जुरौनीलाई सम्मान गरेको छ ।

त्यसैगरी गढवा गाउँपालिकाको समग्र विकास र भए गरेका कामहरूको विभिन्न सञ्चार माध्यममा सूचना सम्प्रेषण गरी महत्त्वपूर्ण योगदान पुर्‍याएको भन्दै देउखुरीका १३ जना पत्रकारलाई सम्मान गरेको छ।
त्यसैगरी संघसंस्थातर्फ गढवा गाउँपालिकाको नवौं स्थापना दिवसको अवसरमा गढवा उद्योग वाणिज्य सङ्घ देउखुरी सामुदायिक पुस्तकालय तथा स्रोत केन्द्र ,क्रियटिङ पोसिबिलिटीज नेपाल (सीपी नेपाल), शान्तिपूर्ण स्थापना गृह गढवा-८ कोइलाबास, वन महासङ्का नवराज शर्मा, नागरिक समाज गढवाका अध्यक्ष खगेश्वर शर्मा, गाउँपालिका स्तरीय सहकारी सञ्जाललाई समेत सम्मान गरेको छ ।

त्यसैगरी साझेदार संघसंस्थातर्फ गढवा गाउँपालिकाको समग्र विकासमा गढवा गाउँपालिकासँग साझेदारी गरेर काम गर्दै आएको हेफर प्रोजेक्ट नेपाल, ग्रामीण महिला उत्थान केन्द्र घोराही दाङ र आत्मनिर्भर सेवा केन्द्रलाई समेत सम्मान गरिएको छ।

  *महिला दिवश विशेष

त्यसैगरी गढुवा गाउँपालिकाको स्थापना दिवस एवं "११५औ अन्तर्राष्ट्रिय श्रमिक महिला दिवसको" शुभ अवसरमा पालिकाद्वारा आयोजित तेस्रो पालिका स्तरीय खेलकुद प्रतियोगितामा
फुटबल खेलतर्फ गढवा गाउँपालिका र राजपुर गाउँपालिका बीचको खेलमा गढवा गाउँपालिका जित हासिल गरेको थियो। त्यसैगरी लमही नगरपालिका र राप्ती गाउँपालिका बीचको खेलमा लमही नगरपालिका जित हासिल गरेको थियो। र फाइनलखेलमा गढवा गाउँपालिका र लमही नगरपालिका बीच भएको अन्तरपालिका स्तरीय खेलमा लमही नगरपालिकाले फुटबल खेलको उपाधि चुम्न सफल भएको हो।

त्यसैगरी अन्तरपालिका स्तरीय जनप्रतिनिधि तथा शिक्षक कर्मचारी बीचको महिलातर्फको मैत्रीपूर्ण फुटबल खेलमा राप्ती गाउँपालिकालाई हराउँदै गढवा गाउँपालिका प्रथम हुन सफल भएको हो।

त्यसैगरी ब्याडमिन्टन‌ खेलतर्फ वडा नम्बर ६ विक्रम गुरुङ र ललित चौधरी प्रथम, नम्बर ४ का जनार्दन थारु र सुदिप चौधरी द्वितीय र वडा नम्बर ३ का कपिलदेव चौधरी र कैलाश चन्द्र चौधरी स्थान हासिल गर्नुभएको थियो।

त्यसैगरी भलिबल खेलमा महिलातर्फ वडा नम्बर ४ प्रथम वडा नम्बर ३ द्वितीय र वडा नम्बर ७ तृतीय स्थान हासिल गर्न सफल भएको छ। सम्पूर्ण विजेताहरुलाई नगद सम्मानित गरिएको थियो।
क्रिकेटतर्फ वडा नम्बर ४ प्रथम , वडा नम्बर ६ द्वितीय र र वडा नम्बर ८ तृतीय स्थान हासिल गरेका छन्।

त्यसैगरी ११५औ अन्तर्राष्ट्रिय श्रमिक महिला दिवसको अवसरमा भएको महिलाहरू बीचको खेलकुद प्रतियोगितातर्फ १०० मिटर दौडतर्फ गढवा- ५ की सिर्जना चौधरी प्रथम,गढवा -६की सरिना खातुन द्वितीय, गढवा ७ की हिरामोती चौधरी तृतीय र गढवा -६ की प्रशंसा पाण्डे सान्त्वना स्थान हासिल गर्नुभएको थियो।

त्यसैगरी कुर्सी दौडतर्फ राप्ती गाउँपालिका वडा नम्बर ३ की मुना घर्ती चौधरी प्रथम, हिरामोती चौधरी गढवा ७ द्वितीय,गढवा-४ की माया चौधरी तृतीय र र गढवा ७ कि शान्त आचार्य सान्त्वना स्थान हासिल गर्नुभएको थियो।

यसैगरी गाउंपालिकामा सञ्चालित भिटा परियोजना द्वारा सातौं देउखुरी कृषि पर्यटन तथा व्यापारिक महोत्सवमा कृषि प्रदर्शनीमा उत्कृष्ट प्रदर्शन गर्ने ३३ जना कृषकहरुलाई सम्मान गरिएको थियो । कार्यक्रममा पालिकाका संस्थापक अध्यक्ष सहजराम यादव र उपाध्यक्ष शान्ती चौधरी, कुशल प्रशासक बुद्धिमान चौधरी, उत्कृष्ट कर्मचारी फूलनदेवी चौधरी लगायत बिपद ब्यवस्थापन, साहित्य, पत्रकारीता,कलासंस्कृति,उत्कृष्ट सहकारी, संघसंस्था, उत्कृष्ट बिद्यालय, उत्कृष्ट शिक्षक,उत्कृष्ट करदाता,उत्कृष्ट महिला स्वास्थ्य स्वयंसेविका, उत्कृष्ट स्वास्थ्य संस्था, लगायत २१ वटा बिधाका कूल ७१ जनालाई सम्मान–पत्रले सम्मान गरिएको थियो ।

कार्यक्रममा विविध भेषभुषा झल्किने लोकबाजा पञ्चैबाजा, अवधि ढोल–तासा तथा थारु भेषभुषा झल्किने झुम्रा नाच प्रदर्शन गरिएको र भागलिने सबैलाई सम्मान समेत गरिएको थियो । उक्त अवसरमा गढवा गाउँपालिकाले नौ बर्षको अवधिमा निर्माण गरेका भौतिक संरचनाहरु र कृषि, पशु तथा मानव संसाधनको बिकास र सबैखाले सामाजिक बिकासका कामहरुको फेहरिस्त गाउँपालिकाका अध्यक्ष यमनारायण शर्मा पोख्रेलले प्रस्तुत गर्नु भएको थियो । गढवा गाउँपालिकाका उपाध्यक्ष शारदा कुमारी चौधरीको स्वागत मन्तब्यबाट सुरु भएको स्थापना दिवस विशेष समारोहको सहजिकरण गढवा गाउँपालिका प्रशासन शाखा प्रमुख पुनाराम शर्माले गर्नु भएको थियो। ।