कमिरेचौर २४ फागुन - महिला अधिकार सुनिश्चित गर्नुपर्नेमा एक कार्यक्रमका सहभागिहरुले जोड दिएका छन ।  दाङको बंगलाचुली गाउँपालिकामा 'सबै महिला तथा बालिकाका लागि : अधिकार, समानता र सशक्तिकरण’  भन्ने नाराका साथ आयोजना गरिएको  ११५ ओै अन्तर्राष्ट्रिय महिला दिवसको अवसरमा बोल्ने बक्ताहरुले सो कुरा बताएका हुन ।
कार्यक्रममा बोल्दै बंगलाचुली गाउँपमलिका अध्यक्ष तुल्सिराम पुनले महिलाहरूको अधिकारको निम्ति  गाउँपालिका प्रतिवद्घ रहेको बताउनुभएको थियो ।

उहाँले नेपालीको सन्दर्भमा महिलालाई पनि पुरुष सरह ज्याला दिने कुरा उठिरहेको र त्यो कार्यान्वयन हुने बताउनुभयो । महिला अधिकार सुनिश्चित हुनु समाजको समुचित विकासका लागि अत्यावश्यक रहेको अध्यक्ष पुनले बताउनुभयो । समतामूलक समाज निर्माण गर्न महिलाहरूले शिक्षा, स्वास्थ्य, रोजगारी, राजनीतिक सहभागिता र सामाजिक सुरक्षामा समान अवसर पाउनुपर्ने उहाँको जोड थियो ।

कार्यक्रका प्रमुख अतिथि समेत रहुनभएका अध्यक्ष पुनले नेपालको संविधानले महिलाको हक-अधिकारलाई सुनिश्चित गरे पनि व्यवहारिक कार्यान्वयन अझै चुनौतीपूर्ण रहेको बताउनुभयो ।

महिला अधिकार सुनिश्चित गर्न सरकार, समाज, तथा परिवार सबैको सहकार्य आवश्यक रहेको उहाले बताउनुभयो । कानुनी संरचनाको प्रभावकारी कार्यान्वयनसँगै, चेतना अभिवृद्धि, महिला सशक्तीकरणका कार्यक्रम, र संस्थागत सुधारले मात्र वास्तविक समानता प्राप्त गर्न सकिने अध्यक्ष पुनले बताउनुभयो ।

कार्यक्रममा बोल्दै बंगलाचुली गाउँपालिका वडा नम्बर ३ का वडा अध्यक्ष शोभाराज विश्वकर्माले संविधानमा महिला सम्बन्धि हक अधिकार लेखिएको भएपनि व्यवहारमा कार्यान्वयन अत्यन्तै न्युन रहेको बताउनुभयो । उहाँले शिक्षित वर्ग विकसित ठाउँतर्फ पलायन हुने अवस्थाले हक अधिकार पुर्ण रुपमा कार्यान्वयन हुन नसकेको बताउनुभएको थियो । त्यस्तै उहाँले महिला सशक्तीकरणमा पनि ध्यान दिनुपर्ने बताउनुभयो ।

कार्यक्रममा बोल्दै बंगलाचुली गाउँपालिका वडा नम्बर ४ का वडा सदस्य तथा कार्यपालिका सदस्य नारायणी गिरीले महिलाहरुको हरेक क्षेत्रमा सहभागीता बढ्दै गएको बताउदै महिला अधिकारमा पनि ख्याल गर्नुपर्ने बताउनुयो । उहाँले महिलालाई महिला दिवसको दिन मात्र नभइ सधै सम्मान गर्नुपर्ने बताउनुभयो ।
यस्तैगरी कार्यक्रममा बोल्दै बंगलाचुली गाउँपालिका महिला बालबालिका शाखाका महिला विकास निरिक्षक कल्पना केसीले समाजमा कुनै महिला हिंसा सम्बन्धि घटना भएको जोकोहीले पनि सम्बन्धित निकायमा खबर गरिदिन अनुरोध गर्नुभएको थियो ।
कमिरेचौर महिला बचत तथा ऋण सहकारी संस्था लिमिटेड र समाज विकास सञ्जालको संयुक्त आयोजना तथा बंगलाचुली गाउँपालिका वडा नम्बर ३ र ४ को आर्थिक सहयोगमा कार्यक्रम सम्पन्न भएको हो । कमिरेचौर महिला बचत तथा ऋण सहकारी संस्था लिमिटेडका अध्यक्ष दुर्पता पौडेलको अध्यक्षता तथा बंगलाचुली गाउँपालिका अध्यक्ष तुल्सिराम पुनको प्रमुख आतिथ्यतामा कार्यक्रम सम्पन्न भएको हो । दिवसको अवसरमा र्यालि समेत निकालिएको थियो ।
साझा विकास मुल समितिका अध्यक्ष दुजा घर्तीको स्वागत मन्तव्यबाट सरु भएको कार्यक्रमको सहजिकरण समाज विकास सञ्जालका सामुदायिक प्रशिक्षक उमा बुढाले गर्नुभएको थियो ।