दाङ - दाङकाे तुलसीपुर खानेपानीको आगामी चैत २ गते हुने निर्वाचनका लागि आज उमेद्धारले मनोनयन दर्ता गराएका छन् । अध्यक्ष पदका लागि नेपाली काँग्रेसका तर्फबाट वहालवाला अध्यक्ष यमकान्त भण्डारी, एमालेबाट मनोज लामिछाने र माओवादीबाट सिताराम शर्मा आचार्यले मनोनयन दर्ता गराउनु भएको छ ।

यस्तैगरी उपाध्यक्ष पदमा दुर्गा प्रसाद भण्डारी, नारायण प्रसाद शर्मा, लक्ष्मण केसी, सविच पदमा रुद्र बहादुर वली, रञ्जन कुमार गौतम, भुवन भुषालले मनोनयन दर्ता गराउनु भएको छ । यसैगरी कोषाध्यक्ष पदका लागि भोला प्रसाद थापा, सुशीला न्यौपाने, कर्ण बहादुर वलीले मनोनयन दर्ता गराएको निर्वाचन समितिले जनाएको छ । सदस्य पदमा ९ जना पुरुष र ९ जना महिला गरी १८ जनाले मनोनयन दर्ता गराएका छन् निर्वाचन समितिले जनाएको छ ।

पुरुष सदस्यमा मन बहादुर वली, बुद्धिराम चौधरी, प्रमोद कुमार योगी (शरद), खगेश्वर भण्डारी, सुकण्ठ न्यौपाने (शुशील), माधव गिरी, प्रेम कंवर, शोभाराम पुनले मनोनयन दर्ता गराउनु भएको छ । यस्तै महिला सदस्यका लागि कमला चौधरी, मनिशा सेर्पाली, लुमा बुढामगर, सुमा अधिकारी, सारदा सार्की, डिला परियार, छमा भण्डारी, प्रमिला तिवारी र शुशीला वलीले मनोनयन दर्ता गराएको सनिर्वाचन समितिले जनाएको छ ।

मनोनयन दर्ताका लागि आज बिहान १० बजेदेखि दिउँसो १ बजेसम्मको समय निर्धारण गरिएको थियो । सोही समयमा उमेद्धारहरुले आफ्नो मनोनयन दर्ता गराएका हुन् ।।