तुलसीपुर - तुलसीपुर उपमहानगरपालिका – ४ रक्षाचौरस्थित राप्ती आँखा अस्पतालले चार करोड २४ लाखको लागतमा नयाँ भवन निर्माण गर्न थालेको छ । त्यो भवन सल्यक्रियाका लागि हुने छ ।

मंगलबार भवनको शिलन्यास तुलसीपुर उपमहानगरपालिकाका मेयर टीकाराम खड्का, भारतीय राजदुतावासका प्रथम सचिव वशिष्ठ नन्दनले संयुक्ततरूपमा गर्नुभयो ।

शल्य क्रियाको नयाँ भवन भारतीय दुतावास, तुलसीपुर उपमहानगरपालिका र राप्ती आँखा अस्पतालको संयुक्त लगानीमा निर्माण गर्न थालिएको हो । भवन २०८३ वैशाखमा काम सम्पन्न गर्ने संझौतामा उल्लेख छ ।

शिलन्यास पछि सम्बोधन गदै तुलसीपुरका नगरप्रमुख खड्काले नयाँ शल्यक्रिया भवन निर्माण पछि सेवा थप सहज र सलर रुपमा प्रवाह हुने आशा ब्यक्त गर्नुभयो ।
स्थापना यता ३९ लाख लाख ७७ हजार पाँच सय बढीले सेवा लिएको अस्पतालको तथ्याङ्क छ ।

उनीहरु मध्ये ४७ हजार नौ सय ५८ जनाको निशुल्करूपमा आँखाको शल्यक्रिया गरिएको छ । रक्षा चौर अस्पतालले दाङका साथै आसपासका पहाडी जिल्लाहरुको सल्यक्रिया गर्दै आएको अस्पतालका सूचना अधिकारी बालाराम खड्काले जानकारी दिनुभयो । साभार फरककोण