कमिरेचौर १८ फागुन  - दाङको बंगलाचुली गाउँपालिका वडा नम्बर ३ को कार्यालय आफ्नै भवनमा सरेको छ । 

बंगलाचुली गाउँपालिका प्रशासनिक भवनको अगाडिबाट सेवा दिदै आएकोमा अब कमिरेचौर स्थित आफ्नै नयाँ भवनबाट सेवा दिइने वडा नम्बर ३ का वडा अध्यक्ष शोभाराज विश्वकर्माले जानकारी दिनुभयो ।
सेवाग्राहीको सहजतालाई मध्यनजर गर्दै आजदेखि आफ्नै भवनबाट सेवा दिन सुरु गरिएको अध्यक्ष विश्वकर्माले जानकारी दिनुभयो । साथै उहाँले आम सेवाग्राहीलाई यसै समाचार मार्फत जानकारी गराइएको पनि उहाँले जानकारी दिनुभयो । यसअघि वडा नम्बर ३ र ४ को एउटै भवनबाट सेवा दिइदै आएको थियो ।