तुलसीपुर महोत्सवमा चर्चित गायक उर्गेन दोङको प्रस्तुतिमा रमाए दर्शक

सोमबार, फागुन १२, २०८१
लुम्बिनी प्रदेश - आन्तरिक तथा कानून मन्त्रालय -  डदेरलाे

दाङ, १२ फागुन - तुलसीपुर महोत्सवको आज १२ औँ दिनमा चर्चित गायक उर्गेन दोङको प्रस्तुति दर्शक रमाएका छन् । गायक दोङले ‘लजालु मायालु’ , ‘सैया’ जस्ता गित प्रस्तुत गर्दा दर्शकहरु रमाए । नेपाली संगीत जगतका चर्चित गायक दोङले आज तुलसीपुर महोत्सवमा धमकेदार प्रस्तुति दिँदा दर्शकको उल्लेख्य सहभागीता रहेको आयोजकले जनाएको छ ।

आन्तरिक मामिला तथा कानून मन्त्रायलय -माेसमी फ्यूबाट बच्ने उपाय

आज चर्चित गायक दोङसहित गायिका सुजाता केसी, जालुमाया गुरुङ, गायक नरेन्द्र आचार्य, सन्तोष खड्काको पनि प्रस्तुती रहेको थियो । यस्तै थारु नायिका तथा मोडेल अन्जु चौधरी, चर्चित डान्सर अस्मिीता रानामगरको पनि प्रस्तुतिमा दर्शकहरु रमाएका छन् ।

साँस्कृतिक संयोजक सन्तोष खड्काले भोलि पनि चर्चित कलाकारको प्रस्तुति रहने  बताउनुभयो । भोलि चर्चित गायक बद्रि पंगेनी लगायतका कलाकारको प्रस्तुति रहने उहाँले बताउनुभयो ।

‘स्वरोजगार, आत्मनिर्भरता हाम्रो आधार, शहरदेखि गाउँसम्म व्यापार विस्तार’ भन्ने नाराका साथ सुरु भएको महोत्सव फागुन १६ गतेसम्म संचालन हुने हुने छ ।

महोत्सव मूल आयोजक समितिका संयोजक तथा तुलसीपुर चेम्बर अफ कमर्शका अध्यक्ष ऋषिराज भण्डारीले महोत्सवमा हरेक दिन दर्शकको सहभागीता उल्लेख्य हुने गरेको बताउनुभयो ।4eg6OAzf-1740407886.jpg
संयोजक भण्डारीले महोत्सवमा विशेष लोकदोहोरी, सामूहिक लोकनृत्य प्रतियोगिता, तथा स्थानीय कलाकारहरूको दमदार प्रस्तुति समेत समावेश गरिएको बताउनुभयो । उहाँले महोत्सवमा सहभागी भई मनोरञ्जन लिन तथा स्थानीय व्यापार प्रवद्र्धन गर्न आग्रह समेत गर्नुभएको छ ।

 

प्रकाशित मिति: सोमबार, फागुन १२, २०८१  २०:२२
प्रतिक्रिया दिनुहोस्