तुलसीपुर महोत्सवमा आज चर्चित गायक उर्गेन दोङ आउँने

सोमबार, फागुन १२, २०८१
लुम्बिनी प्रदेश - आन्तरिक तथा कानून मन्त्रालय -  डदेरलाे

दाङ, १२ फाल्गुन - तुलसीपुर महोत्सवको आज १२ औँ दिनमा चर्चित गायक उर्गेन दोङको प्रस्तुति रहने भएको छ । नेपाली संगीत जगतका चर्चित गायक दोङले आज तुलसीपुर महोत्सवमा आफ्ना गित प्रस्तुत गर्दा दर्शकको उल्लेख्य सहभागीता रहने आयोजकले जनाएको छ ।

आन्तरिक मामिला तथा कानून मन्त्रायलय -माेसमी फ्यूबाट बच्ने उपाय

उर्गेन दोङको गायनमा रहेको मिठास र गहिराईले धेरै दर्शकलाई महोत्सवस्थलसम्म तान्ने साँस्कृतिक संयोजक सन्तोष खड्काले बताउनुभयो । गायक दोङका ‘लजालु मायालु’ , ‘सैया’ लगायतका गितहरु निकै चर्चित छन् । गायक दोङ मुख्यतः लोक र आधुनिक संगीतको मिश्रण गर्नुहुन्छ । उहाँका गीतहरू प्रायः भावुक र जनजीवनसँग जोडिएका हुन्छन् ।

साँस्कृतिक संयोजक खड्काका अनुसार आज चर्चित गायक दोङसहित गायिका सुजाता केसी, जालुमाया गुरुङ, गायक नरेन्द्र आचार्य, सन्तोष खड्काको पनि प्रस्तुती रहने छ । यस्तै थारु नायिका तथा मोडेल अन्जु चौधरी, चर्चित डान्सर अस्मिीता रानामगरको पनि प्रस्तुति रहने आयोजकले जनाएको छ ।

‘स्वरोजगार, आत्मनिर्भरता हाम्रो आधार, शहरदेखि गाउँसम्म व्यापार विस्तार’ भन्ने नाराका साथ फागुन १ गतेदेखि सुरु भएको महोत्सव फागुन १६ गतेसम्म संचालन हुने महोत्सव मूल आयोजक समितिका संयोजक तथा तुलसीपुर चेम्बर अफ कमर्शका अध्यक्ष ऋषिराज भण्डारीले बताउनुभयो ।

महोत्सवमा विशेष लोकदोहोरी, सामूहिक लोकनृत्य प्रतियोगिता, तथा स्थानीय कलाकारहरूको दमदार प्रस्तुति समेत समावेश गरिएको उहाँले बताउनुभयो । महोत्सवमा सहभागी भई मनोरञ्जन लिन तथा स्थानीय व्यापार प्रवद्र्धन गर्न आयोजकले सबैलाई आग्रह समेत गरेको छ ।

प्रकाशित मिति: सोमबार, फागुन १२, २०८१  १५:०९
प्रतिक्रिया दिनुहोस्