दाङ, ११ फागुन - तुलसीपुर महोत्सवमा आज ११ औँ दिन चर्चित गायिका शान्तिश्री परियार र अर्जुन सापकोटाको धमकेदार प्रस्तुति दर्शकहरु उत्साहपूर्ण तरिकाले रमाएका छन् । दर्शकको खचाखच भिडमा शान्तिश्रीले ‘अरेली काँडैले च्वास्स, च्वास्स’ जस्ता गित गाउँदा माहोल रोमाञ्चक बन्यो ।

यस्तैगरी चर्चित गायक अर्जुन सापकोटाले पनि धमकेदार प्रस्तुति दिनुभएको छ । पछिल्लो समय दर्शकको अत्याधिक रोजाईमा परेका सापकोटले ‘बस्यौ अलगकै’जस्ता गित प्रस्तुत गर्दा दर्शकहरु रमाए ।

कार्यक्रममा मोडल दिपा शाही, गायक सन्दिप सेन्चुरी, हास्य कलाकार कुलबहादुर ओली, नृत्यङ्गना विविका पोखरेल लगायतका थुप्रै कलाकारहरूको प्रस्तुती दिएको सांस्कृतिक संयोजक सन्तोष खड्काले बताउनुभयो ।

स्वरोजगार, आत्मनिर्भरता हाम्रो आधार, शहरदेखि गाउँसम्म व्यापार विस्तार भन्ने नाराका साथ फागुन १ गतेदेखि सुरु भएको महोत्सव फागुन १६ गतेसम्म संचालन हुने महोत्सव मूल आयोजक समितिका संयोजक तथा तुलसीपुर चेम्बर अफ कमर्शका अध्यक्ष ऋषिराज भण्डारीले बताउनुभयो ।

अध्यक्ष भण्डारीका अनुसार विशेष लोकदोहोरी, सामूहिक लोकनृत्य प्रतियोगिता, तथा स्थानीय कलाकारहरूको दमदार प्रस्तुति समेत समावेश गरिएको छ । महोत्सवमा सहभागी भई मनोरञ्जन लिन तथा स्थानीय व्यापार प्रवद्र्धन गर्न आयोजकले सबैलाई आग्रह समेत गरेको छ ।