प्यूठान - प्यूठानमा घरभित्रै मृत भेटिएका दम्पतीको हत्या गरेको घटनामा प्रहरीले भतिजालाई पक्राउ गरेको छ।

माण्डवी गाउँपालिका-२ रातमाटेमा ६० वर्षीय रामबहादुर परियार र उनकी ५६ वर्षीया श्रीमती हुकुमा परियार शनिबार दिउँसो आफ्नै घरभित्र मृत फेला परेका थिए। उनीहरूको हत्या गरेको आरोपमा प्रहरीले भतिजा नाता पर्ने ३४ वर्षीय पंकज नेपाली पक्राउ गरेको प्यूठानका प्रहरी प्रमुख डिएसपी दिपेश बस्यालले बताउनुभयाे।

पंकजको घर मृतकको घरबाट ६० मिटर टाढा मात्रै रहेको छ। उनले हत्याबारे पनि स्वीकारेको बस्यालले बताउनुभयाे।

‘सँधै गाली गर्ने, रिसाउने, घर पनि नआइज भन्ने जस्ता कुरा गर्ने गरेकाले रिसमा आएर घनले हिर्काएर हत्या गरेको हुँ भनेर भनेका छन्,’ डिएसपी बस्यालले भन्न्भयाे।

हत्यामा प्रयोग भएको घटना भएको घरदेखि ५० मिटर पूर्वमा रगत लागेको अवस्थामा घन बरामद डिएसपी बस्यालले जानकारी दिनुभयाे।

शनिबार दिउँसो १२ बजेसम्म पनि घरको ढोका नखोलेपछि रामबहादुरका छिमेकी उनलाई बोलाउन गएका थिए। ढोका ढकढकाएर बोलाउँदा नबोलेपछि ती छिमेकीले ढोकाबाटै चिहाएर भित्र हेरेका थिए।