प्यूठान ११ फागुन - प्यूठानको माण्डवी गाउँपालिका-२ स्थित रातामाटेमा एक दम्पती आफ्नै घरमा मृत अवस्थामा फेला परेका छन्। मृतक ६० वर्षीय रामबहादुर परियार र उनकी ५६ वर्षीया पत्नी हुकुमा परियार शनिबार दिउँसो घरभित्र मृत अवस्थामा फेला परेको जिल्ला प्रहरी कार्यालय प्युठानले जानकारी दिएको छ।

मृतक दम्पतिका चार छोरा भारतमा र तीन छोरी दाङमा विवाहित भै बस्दै आईरेहेका छन। शनिबार दिउँसो १२ बजेसम्म घरको ढोका नखुलेपछि छिमेकीले ढोका ढकढक्याए। चिहाएर हेर्दा दम्पती लडेको अवस्थामा फेला परेपछि प्रहरीलाई खबर गरेका थिए।

प्यूठान प्रहरीका अनुसार, मृतकको शरीरमा घाउ र चोटका निशानहरू देखिएका छन्। घटना संकास्पद भएकोले थप अनुसन्धान गर्न भैरहवाबाट तालिमप्राप्त कुकुरसमेत प्रयोग गरिएको छ।