सोसल मिडिया
हाम्रो बारेमा
गोपनीयता नीति
Contact Us
युनिकोड
घोराही, ९ फागुन - दाङ जिल्ला उद्योग वाणिज्य संघको आयोजनामा घोराहीमा जारी महोत्सवमा शनिवार लाेकप्रिय गायिका शान्ति श्री परियार आउनुहुने भएकाे छ । महाेत्सवकाे नवाै दिन गायिका परियारकाे प्रस्तुति रहने छ । पछिल्लाे समय एक पछि अर्के हिट गीत बजारमा ल्याईरहेकी गायिका परियारकाे शनिवार प्रस्तुति रहने महाेत्सव आयाेजक मूल समितिका संयाेजक वसन्त जाेशीले जानकारी दिनुभयाे ।
परियारकाे अरेली काडैले मलाई च्वास्सै च्वास्सै, बाेल माया, गलबन्दी च्यातियाे तिमले तानेर, बस्याै अलक्कै लगायत दर्जनाै गीतहरू चर्चित एवं लाेकप्रिय छन् । शनिवार परियारसँगै सुगम संगीतका लाेकप्रिय गायक हेमन्त शर्मा, रूचा मगर लगायतका कलाकारहरूकाे प्रस्तुति रहने जाेशीले जानकारी दिनुभयाे । उद्योग व्यापार कृषि एवं पर्यटनको विकास, परनिर्भरमुखि अर्थतन्त्रको निकास’ भन्ने मूल नारासाथ आयोजना गरिएको ‘छैठौँ कृषि, पर्यटन तथा व्यापार महोत्सव–२०८१’ काे आठाै दिन शुक्रवार कलाकारहरू गायिका रचना रिमाल, बद्रि पंगेनी, सुकदेव अधिकारी, जालुमाया गुरूङ, खढड्ग शर्मा, रितु तामाङ, प्रकाश प्रिय कुसुम्या, काेष खड्का लगायतकाे प्रस्तुति राख्नुभएकाे थियाे । महोत्सवमा प्रवेशकालागि प्रतिव्यक्ती १ सय, विद्यार्थीहरुलाई परिचयपत्रको आधारमा ८०, अशक्त, अपाङ्ग, जेष्ठ नागरिकहरुलाई निशुल्क प्रवेशको व्यवस्था मिलाईएको छ । महोत्सवमा कृषी, पर्यटन तथा व्यवसायिक गरि ४ सय बढि स्टलहरु रहेका छन् । महोत्सवमा २ लाख दर्शकहरुले अवलोकन गर्ने र २० करोडको कारोबार गर्ने लक्ष्य रहेको छ । महाेत्सव फागुन १८ गतेसम्म चल्नेछ ।