७ फागुन,गढवा - कृषि विकास बैङ्क अन्तर्गत पशु तथा कृषि विमा सम्बन्धी छलफल अन्तरक्रिया कार्यक्रम गढवा – ६ गढवामा सम्पन्न भएको छ।

कृषि कर्जा तथा परियोजना व्यवस्थापन विभाग मुख्य कार्यालय काठमाडौंको आयोजना तथा गढवा गाउँपालिकाको भिटा परियोजनाको समन्वयमा एकदिने तथा कृषि विमा सम्बन्धी छलफल अन्तरक्रिया कार्यक्रम सम्पन्न भएको हो।

कार्यक्रममा बोल्दै प्रमुख अतिथि तथा गढवा गाउँपालिका अध्यक्ष यमनारायण शर्मा पोख्रेलले कार्यक्रम राम्रो भएतापनि कार्यान्वयन पक्ष जटिलपुर्ण रहेको बताउनुभयो। कृषि र पशुपालनमा गरिएको लगानीको सुरक्षा कसरी गर्ने वारे पालिका गम्भिर रहेको बताउनुभयो। कृषि र पशुपालन बीमा किसानहरूको लागि अति आवश्यक रहेको बताउदै अध्यक्ष पोख्रेलले यसले प्राकृतिक प्रकोप, रोग तथा अन्य आकस्मिक घटनाहरूबाट हुने आर्थिक क्षतिलाई कम गर्न मद्दत गर्छ। साथै, लगानी सुरक्षित हुने भएकाले उत्पादनमा वृद्धि भई समग्र कृषिक्षेत्रको विकास हुने बताउनु भयो। कृषि तथा पशुपालन क्षेत्रमा गरिएको बिमाको भुक्तानी प्रक्रिया सहज गर्न अनुरोध समेत गर्नु भयो। पशुपंक्षीमा बिमा गरेता पनि बालीअओ बिमा गर्ने बारे किसानहरुमा चेतनाको कमी भएको र आजको कार्यक्रमबाट त्यो समस्या समाधान भएको बताउनुभयो। बिमा गरेको तर कुनै क्षति नभए म्याद सकिय पैसा खेर जाने जुन सोच किसानको छ त्यो अब नहुने र क्षति नभएको खण्डमा पैसा किसानको खातामा फिर्ता हुने बताउनु भयो।

कृषि विकास बैङ्क प्रदेश कार्यालय दाङको निर्देशक बिना शर्माको अध्यक्षता तथा गढवा गाउँपालिका अध्यक्ष यमनारायण शर्मा पोख्रेलको प्रमुख आतिथ्यमा सम्पन्न भएको हो।

कार्यक्रममा कृषि विकास बैङ्क कृषि कर्जा तथा परियोजना व्यवस्थापन बिभागका शाखा प्रमुख कल्पना केसीले पशु तथा बाली सुरक्षा सम्बन्धी प्रशिक्षण दिनु भएको थियो।

कार्यक्रममा गढवा गाउँपालिका पशुपंक्षी तथा मत्स्य विकास शाखाका अधिकृत अन्नतराज रेग्मी, हेफर प्रोजेक्ट नेपालका बरिष्ठ कार्यक्रम अधिकृत महेश आचार्य, ग्रामीण महिला उत्थान केन्द्र घोराही दाङका फोकल पर्सन भिमकान्त चौधरी, कृषि विकास बैङ्क गढवा शाखाका माया चौधरी, पदम प्याकुरेल, कृषि विकास बैकका आपुर्ती शृङ्खला अधिकृत रविन रिजाल, त्यसैगरी सहभागीहरुमा वडा नम्बर ५,६ र ७ का उद्यमी महिला समूहका सदस्यहरू लगायतको सहभागिता रहेको थियो।