घोराही महोत्सवमा दर्शककाे घुईचाे, एलिनासँगै झुमे दर्शक

बुधबार, फागुन ७, २०८१
लुम्बिनी प्रदेश - आन्तरिक तथा कानून मन्त्रालय -  डदेरलाे

७ फागुन, घोराही -  दाङ जिल्ला उद्योग वाणिज्य संघको आयोजनामा घोराहीमा जारी महोत्सवमा एलिना चाैहानले धमाकेदार प्रस्तुति राख्नुभएकाे छ । गायिका चाैहानकाे गीतमा दर्शकहरू छमछमी नाचे । आधा दर्जन बढि राष्ट्रिय कलाकारहरूकाे प्रस्तुति रहेकाे बुधवार अन्तिम प्रस्तुतिकालागी मञ्चमा चढ्नुभएकाे चाैहानकाे गीतमा दर्शकहरू छमछमी नाचे ।

आन्तरिक मामिला तथा कानून मन्त्रायलय -माेसमी फ्यूबाट बच्ने उपाय

पछिल्लाे समयकी लाेकप्रीय एवं व्यस्त गायिका चाैहानकाे हरेक गीतमा साथ दिदै दर्शकहरूले स्वरमा सवर मिलाए भने मस्तसँग झुमे । चाैहान मेराे  दुस्मन छ धेरै दुस्मन हेरेकाे हेरै, सान दिनेलाई सान दिन्छु मान दिनेलाई मान दिन्छु तिमीले धाेका दियाैँ भने कट्टा हान्दिन्छु, धाेकेवाज हाै तिमी लगायतका गीतहरू प्रस्तुत गर्नुभएका थियाे । उहाँकाे हरेक गीतमा दर्शकहरू झुम्दै छमछमी नाचे ।

    ‘उद्योग व्यापार कृषि एवं पर्यटनको विकास, परनिर्भरमुखि अर्थतन्त्रको निकास’ भन्ने मूल नारासाथ आयोजना गरिएको ‘छैठौँ कृषि, पर्यटन तथा व्यापार महोत्सव–२०८१’ बुधवार गायका कुलेन्द्र बिश्वकर्मा, राधिका हमाल, देबेन्द्र बस्नेत, शक्ती चन्द, संचिता शाही, देबि बस्नेत, बिशु सेर्पाईली, विष्णु सुनार, उषा दशाैदी, राशी रिजाल लगायतका कलाकारहरूले प्रस्तुति राख्नुभएकाे थियाे ।

महाेत्सवमा बुधवार १५ हजार बढि दर्शकले महाेत्सवका अवलाेकन गरेकाे दाङ जिल्ला उद्याेग वाणिज्य संघका सचिव विकाश वलीले जानकारी दिनुभयाे ।
       
 महोत्सवमा प्रवेशकालागि प्रतिव्यक्ती १ सय, विद्यार्थीहरुलाई परिचयपत्रको आधारमा ८०, अशक्त, अपाङ्ग, जेष्ठ नागरिकहरुलाई निशुल्क प्रवेशको व्यवस्था मिलाईएको छ । महोत्सवमा कृषी, पर्यटन तथा व्यवसायिक गरि ४ सय बढि स्टलहरु रहेका छन् । महोत्सवमा २ लाख दर्शकहरुले अवलोकन गर्ने र २० करोडको कारोबार गर्ने लक्ष्य रहेको छ ।

 बिहीवार पशुपति शर्मा र प्रिति आले
 महाेत्सवमा बिहीवार पनि चर्चित कलाकारहरूकाे प्रस्तुति रहने छ । बिहीवार गायक पशुपति शर्मा, गायिका प्रिति आले, एम.टि महर, प्रकाश रेग्मी, पिताम्बर रिजाल,  बविता धिताल, गा‌ैतम चाैधरी लगायतकाे प्रस्तुति रहने आयाेजक मूल समितिका संयाेजक वसन्त जाेशीले जानकारी दिनुभयाे ।

 

 

प्रकाशित मिति: बुधबार, फागुन ७, २०८१  १९:०२
प्रतिक्रिया दिनुहोस्