घोराही महोत्सवमा आज ‘कट्टा हान्दिन्छु’ गायिका एलिना चौहानको प्रस्तुति

बुधबार, फागुन ७, २०८१
लुम्बिनी प्रदेश - आन्तरिक तथा कानून मन्त्रालय -  डदेरलाे

घोराही - घोराही उपमहानगरपालिका–१४, झिंगौरामा जारी छैठौँ कृषि, पर्यटन तथा व्यापार महोत्सव–२०८१ मा आज (बुधबार) राष्ट्रिय तथा स्थानीय ख्यातिप्राप्त कलाकारहरूको विशेष सांगीतिक प्रस्तुति हुने भएको छ।

आन्तरिक मामिला तथा कानून मन्त्रायलय -माेसमी फ्यूबाट बच्ने उपाय

महोत्सवमा नेपाली सांगीतिक क्षेत्रकी पछिल्लो समयकी चर्चित गायिका एलिना चौहानको प्रस्तुति रहनेछ मुल आयोजक समिति संयोजक वसन्त जोशीले जानकारी दिनु भयो ।  चौहानले "धोकेबाज हौ तिमी", "मिनरल वाटर", "कट्टा हान्दिन्छु", "रुवाउनेहरू हजार भए" र "यो भागमा खोट" जस्ता चर्चित गीतहरू प्रस्तुत गर्नेछिन्।

त्यस्तै, आजकै दिन लोकप्रिय गायक कुलेन्द्र विश्वकर्मा, सञ्चिता शाही र देवेन्द्र बस्नेत लगायतका कलाकारहरूले पनि स्टेजमा धमाकेदार प्रस्तुति दिनेछन्।

महोत्सवमा प्रवेशकालागि प्रतिव्यक्ती १ सय, विद्यार्थीहरुलाई परिचयपत्रको आधारमा ८०, अशक्त, अपाङ्ग, जेष्ठ नागरिकहरुलाई निशुल्क प्रवेशको व्यवस्था मिलाईएको टिक व्यवस्थापन उपसमितिका संयोजक माधव खनालले जानकारी दिनुभयो । महोत्सवमा २ लाख दर्शकहरुले अवलोकन गर्ने र २० करोडको कारोबार गर्ने लक्ष्य रहेको छ ।

उद्योग, व्यापार, कृषि र पर्यटन प्रवर्द्धन गर्दै परनिर्भर अर्थतन्त्रबाट आत्मनिर्भर अर्थतन्त्रको निर्माण गर्ने उद्देश्यले आयोजना गरिएको महोत्सव फागुन १८ गतेसम्म चल्नेछ।

प्रकाशित मिति: बुधबार, फागुन ७, २०८१  ०७:१८
प्रतिक्रिया दिनुहोस्