दाङ - राप्ती स्वास्थ्य बिज्ञान प्रतिष्ठानको सिनेट सदस्यमा दाङ घोराहीका बलिभद्र राना नियुक्त भएका छन । प्रतिष्ठानको कार्यकारी परिषदको सिफारिसमा चन्दा तथा जग्गादाताको तर्फबाट प्रधानमन्त्री केपि शर्मा ओलिले रानालाइ सिनेट सदस्यमा नियुक्त गर्नुभयाे।

एमालेबाट दाङ क्षेत्र नम्बर २ क बाट प्रदेश सभा सदस्यका उम्मेद्वार बनेका रानाकै पहलमा घोराही १८ नवलपुरमा रहेको २२ बिगाहा जग्गा प्रतिष्ठानले उपयोग गर्न लागेको हो । कोभिडको बेला पनि नगद तथा सिलिन्डर पनि रानाले सहयोग गरेका थिए । नेपाल उद्याेग परिषदका केन्द्रिय अध्यक्ष समेत रहेका उनि एमालेको रास्ट्रिय महाधिबेशन प्रतिनिधि पनि हुनुन्छ  । सिनेट सदस्य नियुक्त भएपछि उहाँले दङ्गालिको घर आगनमा रहेको प्रतिष्ठानलाई विशेषज्ञसहित सबै हिसाबले सुबिधा सम्पन्न बनाउन लागि पर्ने बताउनुभयाे । रानासहित एमालेबाट यमुना थापा पनि प्रतिष्ठानको सिनेट सदस्यमा नियुक्त भएका छन ।

कांग्रेसको सिफारीसमा घोराही १५ बाट दुई जना सिनेट सदस्यमा नियुक्त भएका छन । जसमा कांग्रेस दाङ क्षेत्र नम्बर २ क का प्रदेश सभापती प्रकाश श्रेष्ठ(लाला) र पत्रकार सुदिप गौतम नियुक्त हुनु भएकाे छ भने माओबादीबाट सुशिला चौधरी सिनेट सदस्यमा नियुक्त हुनु भएकाे छ । त्यस्तै कर्मचारीहरुको तर्फबाट सिनेट सदस्यमा बिनोद दाहाल नियुक्त हुनु भएकाे छ । प्रधानमन्त्री कार्यालय बालुवाटारमा आज भएको सिनेट सभाबाट उनिहरु तीन बर्षे कार्यकालका लागि सिनेट सदस्यमा नियुक्त भएका छन ।

 सिनेट सभाको अध्यक्षता ग्रहण गर्नु भएका  प्रधानमन्त्री केपि शर्मा ओलिले लुम्बिनी प्रदेशकै महत्वपुर्ण सरकारी मेडिकल कलेजकोरुपमा रहेको प्रतिष्ठानको बिकासका लागि आफु सदैब सकारात्मक रहेको बताउनुभयाे । उहाँले प्रतिष्ठान गौरबको योजनाकोरुपमा रहेको चर्चा गर्दै यसको बिकासका लागि सबैको एकताबद्ध पहल आबश्यक रहेको कुरामा जोड दिनुभयाे । उहाँले ४ सय बेडको अस्पताल अघि बढाउन आफुले बजेट ब्यबस्थापन गरेर सहयोग गर्ने बिश्वास दिलाउनु भयाे ।

सिनेट सभाबाट अघिलो दुई आर्थिक बर्षको खर्च अनुमोदन गरेको र चालु आबको बार्षिक बजेट र कार्यक्रम स्वीकृत गरेको रजिस्ट्रार प्रा. श्याम लम्सालले बताउनुभयाे । उहाँले नवलपुरको जग्गा अब क्याबिनेटबाट अघि बढाउन सिनेट सभाले अनुमति दिएको र ४ सय बेडको कार्य योजना पास भएको बताउनुभयाे । उहाँले जग्गा प्राप्तीपछि बस्ने सिनेट बैठकबाट सेवा आयोगको अध्यक्षसहितले पुर्णता पाउने पनि बताउनुभयाे ।

यस्तैगरी बैठकले प्रतिष्ठानको स्वामित्वको अतिक्रमित जग्गा खाली गराई उपयोगमा ल्याउन, कार्यकारी परिषद् सदस्यमा मनोनयन र कर्मचारी सेवा, शर्त नियमावलीलाई विस्तृत गृहकार्य गरी आगामी बैठकमा पेस गर्न निर्देशन दिएको छ ।

प्रतिष्ठानको आर्थिक वर्ष २०७९/०८० र २०८०/८१ को बजेट तथा कार्यक्रम समयमा सिनेट बैठक बस्न नसकी पछि अनुमोदन गर्नुपर्ने अवस्था आउने खालका कमजोरी आगामी दिनमा नगर्न प्रधानमन्त्री ओलीले निर्देश दिनुभयाे । उहाँले नियम, विधि र प्रक्रिया पूरा गरी समयभित्रै कार्य सम्पन्न गर्ने अभ्यासमा जान आग्रह गर्दै नेपाली जनताको खुसी र मुलुकको समृद्धिमा ध्यान दिएर सबै क्षेत्रबाट अवस्थामा थप परिवर्तन ल्याउन पनि जोड दिए ।

बैठकले आगामी बजेट निर्माणका लागि रजिष्ट्रार लम्सालको संयोजकत्वमा समिति गठन गरेको छ । बैठकमा स्वास्थ्य तथा जनसङ्ख्या मन्त्री एवं सहकुलपति प्रदीप पौडेल र प्रतिष्ठानका उपकुलपति डा. विकास लामिछाने, राष्ट्रिय योजना आयोगका सदस्य, स्वास्थ्य र अर्थ मन्त्रालयका सचिवलगायत सहभागी थिए ।