गढवा - महिलाहरुको नेतृत्व क्षमताको विकास नभए सम्म नेपालको समग्र विकास हुन नसक्ने गढवा गाउँपालिका अध्यक्ष यमनारायण शर्मा पोख्रेलले बताउनु भएको छ।

आइतबार हरियाली उद्यमी महिला समूह गढवा-६ मदपुर परियोजनाद्वारा भए गरेका कार्य महिला शसक्तिकरणको क्षेत्रमा भएको प्रगति लगायतका विषयबस्तुको अनुगमन तथा मूल्याङ्कन कार्यक्रममा बोल्दै गढवा गाउँपालिका अध्यक्ष पोख्रेलले सो कुरा बताउनुभएको हो।

कार्यक्रममा बोल्दै प्रमुख अतिथि तथा गढवा गाउँपालिका अध्यक्ष यमनारायण शर्मा पोख्रेलले भिटा परियोजनाको मुख्य उद्देश्य नेतृत्व क्षमताको बिकाश गर्ने, सामाजिक काममा महिलादिदि बहिनिहरु अगाडी नबढे नेपाल समग्र विकाश हुन नसक्ने बताउनुभयो। समाजका अधिकांस पुरुष रोजगारीको सिलसिलामा बैदेशिक रोजगारमा गएकोले घर देखी समाज सम्मको नेतृत्व गर्ने जिम्मा महिलाहरुको भएकाले महिलाहरुले समाजको नेतृत्व गर्न आवश्यक रहेको जसको लागि नेतृत्व विकास हुन आवश्यक रहेको अध्यक्ष पोख्रेलले बताउनुभयो।

महिला दिदिबहिनीहरुलाई समाजको हरेक निकायमा स्थापित गर्न आवश्यक रहेको बताउदै अध्यक्ष पोख्रेलले त्यै अनुसार गढवा गाउँपालिकाले ठुलो लगानी गरेर हेफर प्रोजेक्ट नेपाल र ग्रामीण महिला उत्थान केन्द्र घोराही दाङको समन्वयमा भिटा परियोजना सञ्चालन गरी महिला शसक्तिकरण र आत्मनिर्भरका लागि व्यवसायिक उत्पादनमा जोड दिने कार्यक्रम सञ्चालन गरेको स्पष्ट पार्नु भयो। भिटा परियोजनामा आबद्ध महिलाहरुले आज समाजको हरेक कार्यक्रममा सक्रियता पुर्वक सहभागिताले परियोजनाको उद्देश्य प्राप्तिको दिशामा अघि बढेको बताउनुभयो। महिलाहरु पुरुष सरह काम गर्न सक्षम भएको आभास भएको बताउदै अध्यक्ष पोख्रेलले आगामी दिनमा परियोजना मार्फत क्षमता प्रस्तुत गर्ने अवसर प्रदान गर्ने बताउनु भयो। महिला दिदिबहिनीहरु आत्मनिर्भर नबने सम्म महिला शसक्तिकरणको सपना पुरा नहुने भन्दै कृषि तथा पशुपालनको क्षेत्रमा महिलाहरुलाई उद्यमी बनाउने र व्यवसायिक रुपमा काम गर्ने उद्यमी महिलाहरुलाई गढवा गाउँपालिकाबाट भरपुर सहयोग गर्ने बताउनु भयो।

त्यसैगरी कार्यक्रममा बोल्दै बिशिस्ट अतिथि तथा गढवा गाउँपालिका उपाध्यक्ष शारदा कुमारी चौधरीले गढवा गाउँपालिकाले महिला दिदिबहिनीहरुलाई कृषि र पशुपालनमा कसरी जोड्ने, कसरी आत्मनिर्भर बनाउने बारे बृहत छलफल गरेर परियोजना सञ्चालन गरेको बताउनु भयो। पहिलो पटक समूह गठन गर्दा अध्यक्षताको आसन ग्रहण गर्न स्टेजमा आउन नमान्ने लाज मान्ने दिदि बहिनीहरुले आज निर्धक्क भनेर अघि आएर बोलेको देख्दा भाषण गरेको देख्दा अफु अत्यन्त प्रभावित भएको र परियोजना सफल भएको बताउनु भयो। परियोजनाको समय अवधी सकिए पनि पछी पनि परियोजना सञ्चालनको ओनरसिप स्थानीय तहले लिनु पर्ने बताउनुभयो।

त्यसैगरी कार्यक्रममा बोल्दै बिशिस्ट अतिथि तथा गढवा गाउँपालिका वडा नम्बर ६का वडाअध्यक्ष बिर बहादुर आले मगरले आधारशिला तालिम महत्वपूर्ण भएको बताउनु भयो । बाख्रा पालन, तरकारी खेती र भैसीपालन गर भनेर मात्र नहुने भएकोले आधारशिला तालिम दिएर मानसिक रुपमा दक्ष बनाएर ब्यबसाय संग जोड्ने परियोजनाको प्रमुख योजना भएको बताउनुभयो हिजो उभिएर नाम भन्न नसक्ने महिला दिदिबहिनीहरुले आज स्टेजमा उभिएर भाषण गर्न सक्ने, आफ्नो कुरा जाहा पनि पुगेर राख्न सक्ने हुनु भएको देख्द् भिटा परियोजनाको लक्ष पुरा भएको बताउनुभयो।

हरियाली उद्यमी महिला समूह गढवा-६ मदपुर सलिना जिसीको अध्यक्षता तथा गढवा गाउँपालिका अध्यक्ष यमनारायण शर्मा पोख्रेलको प्रमुख आतिथ्य तथा गढवा गाउँपालिका उपाध्यक्ष शारदा कुमारी चौधरीको बिशिस्ट आतिथ्यमा सम्पन्न भएको हो।

कार्यक्रममा ६ नम्बर वडा सदस्य दिनामणी आचार्य, हेफर ईन्टर नेस्नल एसियाका लिड रघुनन्नदन पुहान,मेल्स डिपार्टमेन्ट प्रमुख किशोर काफ्ले, ग्रामीण महिला उत्थान केन्द्र घोराही दाङकी अध्यक्ष आसमानी चौधरी लगायतकाले बोल्नु भएको थियो।

हरियाली उद्यमी महिला समूहकी सदस्य पुष्पा बिसीको स्वागत मन्तव्य बाट सुरु भएको कार्यक्रमको सहजिकरण समूहकी कोषाध्यक्ष माया समाल मगरले गर्नुभएको थियो।