दाङ  - दाङको शान्तिनगरमा बालिका बलात्कार आरोपमा एकजनालाई प्रहरीले पक्राउ गरेको छ । पक्राउ पर्नेमा शान्तिनगर गाउँपालिका–४ जुम्लेकुला निवासी २२ बर्षीय चन्द्र प्रसाद नाथ रहेको इलाका प्रहरी कार्यालय तुलसीपुरका सूचना अधिकारी तथा प्रहरी निरीक्षक सुर्य रानाले जानकारी दिुनुभयो । विपि नमुना माध्यामिक विद्यालय बयाले सिमतरामा कक्षा ९ मा अध्ययनरत १४ बर्षीया एक बालिकालाई गत माघ ३० गते बिहान साढे ६ बजेको समयमा बलात्कार गरेको भनेर पिडित बालिकाकी आमाले जाहेरी दिएपछी आरोपीलाई पक्राउ गरिएको प्रहरीले जनाएको छ ।

हिजो फागुन १ गते पिडितले दिएको जाहेरीकै आधारमा गएको इन्स्पेक्टर बिनोदराज खत्रीसहितको प्रहरी टोलीले उनलाई पक्राउ गरेको हो । शान्तिनगर–४ को रानिवन जंगलमा हिडिरहेको (विद्यालय जादै) अवस्थामा एक्कासी पछाडीबाट आएर घाँटी समातेर डरधम्की देखाएर जंगलमा लगेर जवरजस्ती करणी गरेको पिडित पक्षको भनाई छ । यस घटनाबारे प्रहरीले थप अनुसन्धान गरिरहेको छ ।।