दाङ - दाङ जिल्ला उद्योग वाणिज्य संघको आयोजनामा आजदेखि घोराहीमा ‘छैठौँ कृषि, पर्यटन तथा व्यापार महोत्सव–२०८१’ को शुरु हुँदैछ । घोराही उपमहानरपालिका–१४ झिँगौरामा शुरु हुन लागेको महोत्सवको उद्घाटन लुम्बिनी प्रदेशका उद्योग पर्यटन तथा यातायात मन्त्री प्रचण्ड विक्रम न्यौपानेले गर्दैछन् ।

महोत्सव उद्घाटन अघि घोराहीमा विभिन्न झाँकीसहितको शोभायात्रा निकालिने छ । शोभायात्रा विहान ११ बजे घोराहीस्थित दाङ जिल्ला उद्योग वाणिज्य संघको कार्यालय परिसरबाट शुरु हुने छ । शोभायात्रामा यस क्षेत्रका विभिन्न ७० बढी समूह सहभागी हुने आयोजकले जनाएको छ । शोभायात्रा घोराहीका विभिन्न मूख्य स्थानहरु परिक्रममा गर्दै महोत्सवस्थल प्रवेश गर्ने छ । महोत्सवको उद्घाटन दिउँसो १ बजे तय गरिएको छ ।

महोत्सवको सबै तयारी पूरा भएको महोत्सव मूल आयोजक समितिका संयोजक एवं संघका अध्यक्ष बसन्त जोशीले जानकारी दिएका छन् । महोत्सव १८ गतेसम्म चल्ने महोत्सवमा दुई लाख दर्शकले महोत्सव अवलोकन गर्ने र करिव २० करोड आर्थिक कारोवार हुने अपेक्षा गरिएको छ ।