सोसल मिडिया
हाम्रो बारेमा
गोपनीयता नीति
Contact Us
युनिकोड
दाङ, २७ माघ - दाङमा अवैध सुन र नगदसहित एक जना पक्राउ परेका छन् । प्रहरीले घाेराही उपमहानगरपालिका–१५, ट्राफिक चोकबाट –१४, मिलन चोक निवासी २५ वर्षीय रञ्जित रसाइलीलाई अवैध सुन र नगदसहित पक्राउ गरेको हो ।
रसाइलीको साथबाट ४९७.०४ ग्राम तौल भएको सुन जस्तो देखिने पदार्थ, नगद १ लाख ०७ हजार ८ सय र उनले प्रयोग गरेको मोटरसाइकल बरामद गरेको जिल्ला प्रहरी कार्यालय दाङका प्रवक्ता डिएसपी चक्रबहादुर शाहले जानकारी दिनुभयो ।
अवैध रूपमा सुन कारोबार भइरहेको भन्ने गोप्य सूचनाको आधारमा उनलाई पक्राउ गरिएको डिएसपी शाहले बताउनुभयो ।
सादा पोशाकमा खटिएको प्रहरी टोलीले लु ४६ प ६१६१ नम्बरको सुजिकी कम्पनिको मोटरसाइकलमा सवार रसाईलीलाई पक्राउ गरेको हो । उनीमाथि थप अनुसन्धान भइरहेको प्रहरीले जनाएको छ ।