दाङ - दाङको तुलसीपुर उपमहानगरपालिका-३ ठुला सम्वामा खेल्ने क्रममा भरुवा बन्दुकले हानेर दाईले भाईकाे हत्या गरेका छन् ।

बुधबार बिहान करिब ११ बजेतिर पुस्कर खत्रीका १० वर्षीय छोरा शिशिर केसीले घर नजिकै खेल्ने क्रममा आफ्नै घरमा रहेको भरुवा बन्दुक चलाउँदा उनका ९ वर्षीय सहोदर भाई भुवन केसीको घटनास्थलमै मृत्यु भएको प्रहरीले जनाएको छ।

प्रहरीका अनुसार ६२ वर्षीय बाजे भुविन्द्र खत्रीले लोड गरी राखेको १ नाले भरुवा बन्दुक खेलाउने क्रममा घटना भएकाे हाे।घटनाबारे जानकारी पाएपछि इलाका प्रहरी कार्यालय तुलसीपुरबाट प्रहरी निरीक्षक बिनोद राज खत्रीको कमान्डमा ७ जनाको टोली घटनास्थल पुगेको थियो।

प्रहरीले बाजे भुविन्द्र खत्री, घटनामा प्रयोग भएको भरुवा बन्दुक, फलामका ४ वटा गोली बरामद गरेकाे छ। घटनास्थल तुलसीपुर बजारदेखि करिब १५ किलोमिटर पश्चिममा पर्ने प्रहरीले जनाएको छ।