तुलसीपुर,२५ माघ - दाङकाे तुलसीपुरमा अटो र स्कुल बस एक आपसमा ठोक्किँदा चार जना घाइते भएका छन्। घाइते हुनेमा अटो चालक तुलसीपुर उपमहानगरपालिका ३ निवासी २८ बर्षीय सुमन बिक,अटोमा सवार सोहि ठाउँ निवासी ८० बर्षीय रत्न कुमारी मल्ल,२८ बर्षीय गणेश गुरुङ र ४० बर्षीय भिमा केसी रहेको इलाका प्रहरी कार्यालय तुलसीपुरका प्रहरी निरीक्षक सूर्य राणाले जानकारी दिनुभयो ।

आज बिहान तुलसीपुर उपमहानगरपालिका–९ चुलेसिस्थित दमारगाउँबाट तुलसीपुरतर्फ आउँदै गरेको रा १ ह ४३६६ नम्बरको अटो बिपरीत दिशातर्फ जादैगरेको रा १ क ६९० नम्बरको युनाइटेड एकेडेमी बोर्डिङ स्कुलको बससंग ठोक्किँदा दुर्घटना भएको हो । घाइतेहरुको राप्ती प्रादेशिक अस्पताल तुलसीपुरमा उपचार भइरहेको छ। घटनाका बारेमा थप अनुसन्धान भइरहेको प्रहरीले जानकारी दिएकाे छ ।