सुर्खेत - सुर्खेतमा झाेलुङ्गे पुल निर्माणमा संलग्न दुई जना कामदार भेरी नदीमा लडेर बेपत्ता भएका छन् । बुधबार बिहान पौने १२ बजेको समयमा बराहताल गाउँपालिका-४ कुटा र पञ्चपुरी नगरपालिका-१० चाम्री जोड्ने निर्माणाधीन झोलुङ्गे पुलको लट्ठा बाँध्ने क्रममा दुई जना कामदार भेरी नदीमा लडेर बेपत्ता भएको जिल्ला प्रहरी कार्यालय सुर्खेतले जनाएको छ ।

बेपत्ता हुनेहरुमा रुकुमपूर्वको सिस्ने गाउँपालिका-२ का २४ वर्षीय अनिल घर्ती र १८ वर्षिय अर्जुन झाँक्री मगर रहेका छन् ।

सशस्त्र प्रहरी बलको गोताखोर र स्थानीयको सहयोगमा उनीहरूको खोजी कार्य भइरहेको छ ।