जाजरकोटमा टिपर दुर्घटना हुँदा एक जनाको मृत्यु दुई घाइते

मंगलबार, माघ २२, २०८१
लुम्बिनी प्रदेश - आन्तरिक तथा कानून मन्त्रालय -  डदेरलाे

सुर्खेत – जाजरकोटमा टिपर दुर्घटना हुँदा एक जनाको मृत्यु भएको छ भने दुई जना घाइते भएका छन् । मध्यपहाडी राजमार्ग अन्तर्गत छेडागाड नगरपालिका–११ मा  मंगलबार बिहान भे १ प १०५५ नम्बरको टिपर दुर्घटनामा भएको हो ।

आन्तरिक मामिला तथा कानून मन्त्रायलय -माेसमी फ्यूबाट बच्ने उपाय

जिल्ला प्रहरी कार्यालय जाजरकोटका अनुसार दुर्घटनामा परेर मृत्यु हुनेको पहिचान खुल्न बाँकी रहेको छ । दुर्घटनामा परी गम्भीर घाइते भएका दुई जनाको छेडागाड नगर अस्पताल, थलहमा उपचार भइरहेको छ ।

मृतक व्यक्ति मध्यपहाडी राजमार्ग निर्माणको जिम्मा लिएको शुरुकृति कम्पनीका ट्याक्टर चालक भएको जाजरकोटका प्रहरी नायब उपरीक्षक  पुरुषोत्तम प्रसाद पाण्डेले जानकारी दिए ।

टिपर ओरालो सडकमा आउँदै गर्दा ब्रेक फेल भई भित्तामा ठोक्किएको प्रारम्भिक अनुसन्धानबाट खुलेको डिएसपी पाण्डेले बताए । दुर्घटनामा टिपर चालक र सहचालक घाइते भएका छन् ।

प्रकाशित मिति: मंगलबार, माघ २२, २०८१  १५:४३
प्रतिक्रिया दिनुहोस्