दाङ - नेपाल कम्युनिष्ट पार्टी (माओवादी केन्द्र) शान्तिनगर गाउँपालिकाको तेस्रो अधिवेशन रगैचामा आज सम्पन्न भएको छ । गाउँपालिका कमिटीका अध्यक्ष नेब बहादुर रोका मगर स्टार को अध्यक्षतामा तथा  नेपाल कम्युनिष्ट पार्टी केन्द्रको केन्द्रिय निर्वाचन आयोग समितीका अध्यक्ष कुवेर बहादुर वलीको प्रमुख आथित्वमा सम्पन्न भएको हो ।

कार्यक्रममा बोल्दै प्रमुख अथिती वलीले  माओवादी पार्टीमा जनलहर बढेको पार्टीलाइ क्रान्तिकारी  अगाडी बढाउने   पार्टीमा कुनै पनि गुठ उपगुठ नभएको  अब कम्रेड अध्यक्ष प्रचण्डको नेतृत्वमा पार्टी एक ढिक्का भएर अगाडी बढ्ने, भ्रष्टाचार नियन्त्रण, भ्रष्टाचार अन्त्य र शुसासनको लागि खबरदारी अभियान सञ्चालन गरेको र भ्रष्टाचार गर्ने जुनसुकै पार्टीका नेता कार्यकर्ता भए कानुन बमोजिम कारबाही गरिनु पर्छ भन्ने मान्यताकासाथ अघि बढेको बताउनुभयो ।

अधिवेशन उद्घाटन समारोहमा लुम्बिनी प्रदेश सांसद ए‌वंम  नेकपा माओवादी केन्द्रका केन्द्रीय धन बहादुर मास्की "राजेश" केन्दिय सदस्य तथा दाङ इन्चार्ज निर्मल आचार्य, जिल्ला संयोजक हरिमान पुन "वरण" केन्दिय सदस्य  हेमराज शर्मा "डायमण्ड", केन्द्रीय सल्लाहकार शेषमणी भण्डारी पार्टीका विभिन्न जनवर्गिय संगठनका अगुवा लगायतले बोल्नुभएको थियो। अधिवेशनमा पार्टीका वडाका प्रतिनिधी,पर्यवेक्षक,लगाएतको उल्लेख्यमात्रमा सहभागीता रहेको थियो ।

त्यस्तैगरी नेपाल कम्युनिष्ट पार्टी (माओवादी केन्द्र) शान्तिनगर गाउँपालिको अध्यक्षमा अध्यक्षमा बल बहादुर वली  सर्वसम्मत रुपमा निर्वाचित हुनु भएको छ । सम्पन्न तेस्रो  पालिका अधिवेशनले नयाँ नेतृत्व चयन गरेको हो ।

जसको उपाध्यक्ष खुल्ला  पुर्णबहादुर ओलि  उपाध्यक्ष महिला लक्ष्मण प्यारी चौधरी ,उपाध्यक्ष  देव बहादुर के।सि , सचिवमा   देवराज मल्ल ,सहसचिवमा सालिकराम बिक कोषाध्यक्षमा  छबि परियार सर्वसम्मत निवार्चित हुनुभएको छ ।

४१ सदस्यिय नयाँ सदस्यहरु सर्वसम्मत निर्वाचित भएका छन्  निवर्तमान गाउँपालिका कमिटीका अध्यक्ष नेव बहादुर रोका मगर स्टारले जानकारी दिनुभयो।

गाउँपालिका पार्टी कमिटीका उपाध्यक्ष खगेन्द्र शर्माको स्वागत मनतव्यबाट सुरु भएको कार्यक्रमको सहजिकरण सचिव पिपलाल वलीले गर्नुभएको थियो ।