गढवा - नेपाल रेडक्रस सोसाइटी उपशाखा गढवाको ९औ अधिवेशन तथा २१औँ उपशाखा सभा बिहिवार गढवामा सम्पन्न भएको छ।

नेपाल रेडक्रस सोसाइटी जिल्ला शाखा गढवाका अध्यक्ष दयाराम यादवको अध्यक्षता तथा गढवा गाउँपालिका अध्यक्ष यमनारायण शर्मा पोख्रेलको प्रमुख आतिथ्य तथा नेपाल रेडक्रस सोसाइटी जिल्ला शाखा दाङका सभापति मदन गौतमको बिशिस्ट आतिथ्यमा सम्पन्न भएको हो।

कार्यक्रम दुई चरणमा भएको थियो  पहिलो चरणमा कार्यक्रम उद्घाटन तथा रेडक्रस जस्तो परोपकारी संस्थामा आबद्ध भई कसरी सबैका लागि रेडक्रस बनाउन सकिन्छ। भन्ने अभिव्यक्ति थियो भने दोस्रो कार्यक्रम अधिवेशनबाट नयाँ कार्यसमिति चयन गर्ने कार्यक्रम थियो।
नेपाल रेडक्रस सोसाइटी उपशाखा गढवाको ९औ अधिवेशनलाई सम्बोधन गर्दै प्रमुख अतिथि तथा गढवा गाउँपालिका अध्यक्ष यमनारायण शर्मा पोख्रेलले नेपाल रेडक्रस सोसाइटी उपशाखा गढवाले सामाजिक कार्यमा उदाहरणीय कार्यहरु गरेको बताउनु भयो। पछील्लो समयमा आर्थिक समस्याका कारण केही जटिल्ता उत्पन्न भए पनि प्राकृतिक प्रकोप, विपद् जस्ता कार्यक्रमहरूमा नेपाल रेडक्रस सोसाइटीले अग्रसर रही कार्य गरेको अध्यक्ष पोख्रेलले बताउनु भयो। आपतकालीन राहत तथा उद्धार, रक्तदान सेवा, स्वास्थ्य तथा सरसफाइ कार्यक्रम प्राथमिक उपचार,आपतकालीन पूर्वतयारी तथा जोखिम न्यूनीकरण मानवीय सहयोग र सामाजिक सेवा, युवा तथा स्वयंसेवक परिचालन, प्राथमिक उपचार तथा स्वास्थ्य शिक्षा लगायतका उदाहरणीय कार्यहरु भएको बताउनुभयो। नेपाल रेडक्रस सोसाइटीले मानव सेवामा केन्द्रित रही विश्व रेडक्रस आन्दोलन अन्तर्गतको सात सिद्धान्त (मानवतावाद, निष्पक्षता, तटस्थता, स्वतन्त्रता, स्वयंसेवा, एकता, र सार्वभौमिकता)लाई आत्मसात गर्दै आफ्ना कार्यक्रमहरू सञ्चालन गर्दै आएकोले यो संस्था विश्वव्यापी संस्था भएको बताउनुभयो।

त्यसैगरी कार्यक्रममा बोल्दै बिशिस्ट अतिथि तथा नेपाल रेडक्रस सोसाइटी उपशाखा दाङका सभापति मदन गौतमले रेडक्रस मानबिय सेवामाका लागि स्थापना सस्था भएकाले मानब हितका पक्षमा तल्लिन रहन आग्रह गर्नु भयो । गढवा उपशाखा बाट सम्पादन भएका कार्यको प्रशंसाा गर्दै  सभापति गौतमले आागामी दिनमा पनि रेडक्रसको मर्म र भाबना अनुसार बिपदको घडिमा अग्र पंतिमा रहेर काम गर्न निर्देशन दिनु भयो ।

सम्पन्न अधिबेशनबाट उमाकान्त पन्तको सभापतित्वमा ११ सदस्य नेपाल रेडक्रस सोसाइटी उपशाखा गढवाको ९ औं अधिवेशनबाट नयाँ कार्यसमिति चयन भएको छ। महिला उप(सभापति रुमादेवी अर्याल, सचिवमा उमानाथ यादव (आलोक भावुक), कोषाध्यक्षमा टंकेश्वर भण्डारी, उपसचिव अनिलकुमार यादव, उप कोषाध्यक्ष हरि नारायण चौधरी, महिला सदस्य मनिशा चौधरी कुमाल, र सदस्यहरुमा नारायण प्रसाद रिजाल, ऋषि राम पन्थी, गोबिन्द बहादुर केसी, चिन्ता प्रसाद पोख्रेल, नेपाल रेडक्रस सोसाइटीको बिधान २०२०९१७औं संशोधन, २०४७ सहित०बमोजिम निर्विरोध निर्वाचित हुनु भएको नेपाल रेडक्रस सोसाइटी जिल्ला शाखा दाङका मन्त्री तथा ९औं अधिवेशनको निर्वाचन अधिकारी प्रकाश श्रीबन्दले घोषणा गर्नु भएको थियो ।

सो कार्यक्रममा आजीवन सदस्यहरु तथा समाजका वरिष्ठ व्यक्तित्वहरू  जगतराम यादव, उमाकान्त पन्त, राम प्रसाद गैरे, तिलक घिमिरे, कुल बहादुर हमाल, तेज प्रसाद न्योपाने, दिनामणी आचार्य,कपिलदेव खनाल, गढवा उद्योग बाणिज्य संघका अध्यक्ष ओम प्रकाश बसेल, दक्षिण देउखुरी अधिकार मञ्चका अध्यक्ष देवराज कुँवर, गढवा स्वास्थ्य चौकीका प्रमुख सुर्य नारायण यादव, गढवा सामुदायिक पुस्तकालय तथा स्रोत केन्द्र गढवाकी अध्यक्ष ओभा पाठक, चेतनशील महिला समाज केन्द्रकी अध्यक्ष शकुन्तला डिसि, थारु कल्याणकारी सभा गढवाका अध्यक्ष सञ्जित चौधरी लगायतको सहभागिता रहेको थियो।
कार्यक्रममा नेपाल रेडक्रस सोसाइटी जिल्ला शाखा दाङका सभापति मदन गौतम, दक्षिण देउखुरी अधिकार मञ्चका अध्यक्ष देवराज कुँवर, चेतनशील महिला समाज केन्द्रकी अध्यक्ष शकुन्तला डिसि, समाजसेवी कपिलदेव खनाल, तिलक घिमिरे, जगतराम यादव, लगायतकाले बोल्नु भएको थियो।

हाल नेपाल रेडक्रस सोसाइटी उपशाखा गढवामा कुल ४ सय ४९ जना आजिवन सदस्य रहेका छन्। संस्थागत प्रगति प्रतिवेदन संस्थाका सह सचिव रामदास यादवले प्रस्तुत गर्नु भएको थियो।

समाजसेवी तेजप्रसाद न्यौपानेको स्वागत मन्तव्य बाट सुरु भएको कार्यक्रमको सहजिकरण संस्थाका उप कोषाध्यक्ष नागेन्द्र प्रसाद यादवले गर्नु भएको थियो।