काठमाडौँ - नेपाल समाजवादी पार्टीका सहअध्यक्ष गंगानारायण श्रेष्ठले जनताको उत्पादनलाई पनि एकीकृत उत्पादनमा जोड्न नेत्रविक्रम चन्द विप्लवलाई सुझाव दिनुभएकाे छ । नेपाल कम्युनिस्ट पार्टीले सोमबार बुढानीलकण्ठमा सुरु गरेको ‘सी व्यापार केन्द्र’ उद्घाटन कार्यक्रमलाई सम्बोधन गर्दै उहाँले यस्तो सुझाव दिनुभयाे ।

‘नेकपाले गरेको उत्पादन अर्ग्यानिक छन् । त्यो पर्याप्त छैन । गर्नुपर्ने राज्यले हो । जनताको उत्पादन पनि जोड्न म सुझाव दिन्छु’, उहाँले भन्न्भयाे ।

नेपालमा श्रम संस्कृति कमजोर भइरहेको र कामचोर बढिरहेको अवस्थामा विप्लवले सुरु गरेको उत्पादन नीति सराहनीय भएको उहाँले बताउनुभयाे । कार्यक्रममा पूर्वप्रधानमन्त्री एवं नेकपा एकीकृत समाजवादीका अध्यक्ष माधव नेपाल, नेकपा माओवादी केन्द्रका उपमहासचिव जनार्दन शर्मालगायत नेताहरू सहभागीता रहेकाे थियाे ।