रुकुम पश्चिम -  रुकुम पश्चिमको चौरजहारीमा मोटरसाइकल दुर्घटना हुँदा एकजनाको मृत्यु भएको छ। चौरजहारी नगरपालिका–१, लामिछानेगाउँका ३२ वर्षीय चिरन्जिवी लामिछानेको आज बिहान मोटरसाइकल दुर्घटनामा मृत्यु भएको जिल्ला प्रहरी कार्यालय रुकुमले जानकारी दिएको छ।

चौरजहारी बजारबाट घरतर्फ जाँदा लामिछानेले चढेको कर्णाली प्रदेश ०३–००१ प ०४७३ नम्वरको मोटरसाइकल अनियन्त्रित भई दुर्घटना भएको थियो। दुर्घटना आज बिहान २ बजे भएको र उपचारका लागि चौरजहारी अस्पताल लैजाने क्रममा चिकित्सकले मृत घोषित गरेका थिए। उनको शव पोष्टमार्टमको लागि जिल्ला अस्पताल सल्ले पठाइएको प्रहरीले जानकारी दिएको छ।