दाङको दंगीशरणमा गोलि लागेर एकजनाको मृत्यु

शनिबार, माघ ५, २०८१
लुम्बिनी प्रदेश - आन्तरिक तथा कानून मन्त्रालय -  डदेरलाे

दाङ - दाङको दंगीशरणमा एकजनाको गोलि लागेर मृत्यु भएको खुलासा भएको छ। प्रेमलाल कुसारीलाई गएको बिहिवार जिंगटको रूखबाट खसेर घाइते भएको भन्दै राप्ती प्रादेशिक अस्पताल तुलसीपुर ल्याइएको थियो। उनलाई थप उपचारका लागि नेपालगन्ज लगिएको थियो। उनको उपचारको क्रममा मृत्यु भएको थियो।

आन्तरिक मामिला तथा कानून मन्त्रायलय -माेसमी फ्यूबाट बच्ने उपाय

घटनाको प्रारम्भमा कुसारीको मृत्यु रूखबाट लडेर भएको भनी प्रहरीलाई जानकारी दिएको ईलाका प्रहरी कार्यालयले जानकारी दिएको छ। छिमेकीको सूचना अनुसार कुसारीलाई गोली हानी हत्या गरिएको हुन सक्ने भनी प्रहरीलाई सुचना भएपछि दाहसंस्कार रोकिएको थियो। प्रहरी तत्काल घटनास्थलमा पुगेर अनुसन्धान सुरु गरेपछी दाहसंस्कार रोकिएको ईलाका प्रहरी कार्यालय तुलसीपुरले जानकारी दिएको छ।

कुसारीसँगै जंगल गएका साथीहरु फरार रहेको प्रहरीले बताएको छ। घटनामा संलग्न व्यक्तिहरूसँग सोधपुछ गर्दा शिकार खेल्न गएका बेला बन्दुक आफैँ पड्केर कुसारीको ज्यान गएको भनिएको छ। मृतकको शव अहिले पोष्टमार्टमका लागि भेरी अस्पताल बाँके पठाइएको छ। घटनाको थप अनुसन्धान भैरहेको प्रहरीले  जानकारी दिएकाे छ।

प्रकाशित मिति: शनिबार, माघ ५, २०८१  १६:३४
प्रतिक्रिया दिनुहोस्