काठमाडौँ : उपप्रधानमन्त्री तथा शहरी विकासमन्त्री प्रकाशमान सिंहले निर्माण व्यवसायीका माग र समस्यालाई सम्बोधन गर्ने बताउनु भएको छ।

ज्ञापनपत्र बुझाउन मन्त्रालय गएका नेपाल निर्माण व्यवसायी महासंघका पदाधिकारीसँग उनले यस्तो बताउनुभयो। निर्माणको सिजनमा सिमेन्ट र डण्डीको मूल्य वृद्धि गरेको तथा भुक्तानी अभाव र सार्वजनिक खरिद नियमावलीको १३ औँ संशोधनमा देखिएको म्याद थप सम्बन्धी कानूनी जटिलता हटाउन माग गर्दै निर्माण व्यवसायीले सिंहलाई ज्ञापनपत्र बुझाएका छन्।

ज्ञापनपत्र बुझ्दै उपप्रधानमन्त्री सिंहले सरकारलाई निर्माण व्यवसायीका समस्या र मागका विषयमा जानकार रहेको बताए। उनले निर्माण व्यवसायीका माग सम्बोधनका लागि मन्त्रिपरिषद्‌मा लैजान पहल गर्ने प्रतिबद्धता व्यक्त गर्नुभयो

शहरी विकास मन्त्रालयका सचिव गोपाल सिग्देलले निर्माण व्यवसायीहरूलाई बीमाले बदमासी गरेको बताए। उनले बीमामा निर्माण व्यवसायीहरूले आयोजनाका आधारमा प्रिमियम हुने विषय उठाउनुपर्ने बताउनुभयो।

उहाँले निर्माण व्यवसायीहरूलाई बीमासँग रकम लिन समस्या भएको बताउनुभयो। उहाँले निर्माण व्यवसायीलाई शहरी विकास मन्त्रालयले भुक्तानी गर्नुपर्ने दायित्व १० अर्ब पनि नभएको बताउनुभयो।