कमिरेचौर - नेपाल कम्युनिस्ट पार्टी माओवादी केन्द्र बंगलाचुली गाउँपालिकाको तेस्रो अधिवेशन आज सम्पन्न भएको छ ।  गाउँपाटी कमिटी अध्यक्ष डोमाकान्त कुँवर मगरको अध्यक्षता एवं पार्टीका स्थायी समिति सदस्य एवं पूर्व सूचना सञ्चार तथा प्रविधि मन्त्री रेखा शर्माको प्रमुख मा अधिवेशनको उद्घाटन गरिएको हो।

कार्यक्रममा बोल्दै  प्रमुख अतिथी शर्माले  हिजोको दिनमा व्यवस्था बदल्नको लागि माओवादी पार्टी संघर्ष गरेको र अब जनताको अवस्था बदल्नको लागि संघर्ष गरिरहेको बताउनुभयो । माओवादी पार्टीले सुरुगरेको जनयुद्धको जगमै अहिलेको परिवर्तन भएको कुरालाई विस्तापीत गर्नका लागि विभिन्न षडयन्त्रहरु भईरहेको उल्लेख गर्नुभयो ।उहाँले वर्तमान सत्तागठबन्धन त्यही लक्ष्यमा केन्द्रित रहेको समेत बताउनु भयो । पूर्व सूचना तथा संचार प्रविधि मन्त्री समेत रहनुभएकी शर्माले अहिलेको सत्तागठबन्धनको सरकारले जनताको अवस्था बदल्ने कुनैपनि काम गर्न नसक्ने समेत दावी गर्नुभयो ।  

कार्यक्रलाई सम्बोधन गर्दै शर्माले बंगलाचुलीको विकासका लागि आफुले निरन्तर पहल गरीरहेको बताउनु भएको छ । बंगलाचुलीको भौतिक पूर्वाधार र अन्य विकासका लागि आफुले हिजो पनि काम गरेको र भोलिका दिनमा पनि निरन्तर काम गर्दै जाने बताउनुभयो ।

अधिवेशन उद्घाटन समारोहमा नेकपा माओवादी केन्द्रका केन्द्रीय सदस्यहरु दामा शर्मा, हेमराज शर्मा डायमण्ड, केन्द्रीय लेखा आयोगका सदस्य तथा जिल्ला सह इन्चार्ज रामबहादुर दहित, केन्द्रिय अनुशासन  आयोगका सदस्य लुमबहादुर कार्की बद्री, पार्टीका दाङ जिल्ला  संयोजक हरिमान पुन,लुम्बिनी प्रदेश कमिटी सदस्य चुरामणी नेपाली , पार्टीका विभिन्न जनवर्गिय संगठनका अगुवा लगायतले बोल्नुभएको थियो।अधिवेशनमा पार्टीका लुम्बिनि प्रदेश सचिवालय सदस्य एवं बंगलाचुली गाउँपालिका अध्यक्ष तुल्सीराम पुनमगर,प्रदेश सदस्य भक्त बहादुर वली,पार्टीवाट निर्वाचित जनप्रतिनिधी,वडाका प्रतिनिधी,पर्यवेक्षक,लगाएतको उल्लेख्यमात्रमा सहभागीता रहेको थियो । कार्यक्रममा पार्टीको राजनैतिक तथा सांङ्गठनिक प्रतिवेदन अध्यक्ष डोमाकान्त कवर मगर र आर्थिक प्रतिवेदन कोषाअध्यक्ष वासुदेव महराले पेस गर्नुभएको थियो ।  कार्यक्रममा सहित परिवार घाइते अपाङ्ग बेपत्ता परिवारलाई सम्मानपत्रले सम्मान गरिएको थियो।

सो अवसरमा नेकपा एमाले र नेपाली कांग्रेस पार्टी परित्याग गरी आठ जना माओवादी केन्द्रमा प्रवेश गरेका थिए। नवप्रवेशीहरूलाई प्रमुख अतिथि विशिष्ट अतिथि लगायतले स्वागत गर्नुभएको थियो।
गाउँपार्टी उपाध्यक्ष गिरराज बाँठाको स्वागत मनतव्यबाट सुरु भएको कार्यक्रमको सहजिकरण सहसचिव शोभाराज विश्वकर्माले गर्नुभएको थियो । यसैविच आजै सम्पन्न अधिवेशनबाट  ४१ सदस्यिय नयाँ सदस्यहरु निर्वाचित भएका छन् । तर गाउँपार्टी कमिटीको अध्यक्ष सहितका पदाधिकारीमा सहमती जुट्न नसकेपछी पदाधिकारीका लागि निर्वाचन हुने भएको छ । पार्टीको निर्वाचन सम्बन्धी विधान अनुसार पदाधिकारीहरुको निर्वाचन पौष २७ गते गरिने निर्वाचन समितिले जानकारी दिएको छ ।