काठमाडौँ - नेकपा (एकीकृत समाजवादी)का अध्यक्ष माधवकुमार नेपालले तत्कालीन विद्रोही नेकपा (माओवादी)लाई मूलधारको राजनीतिमा ल्याउन अहम् भूमिका निर्वाह गरेका पूर्वप्रधानमन्त्री स्व। गिरिजाप्रसाद कोइरालालाई सम्झिएका छन् ।

पूर्वप्रधानमन्त्रीसमेत रहेका अध्यक्ष नेपालले शनिबार सामाजिक सञ्जाल फेसबुकमा नेपाली कांग्रेसका तत्कालीन सभापति गिरिजाप्रसाद कोइरालासँग आन्दोलनको मोर्चामा सँगै बसेको तस्बिर राखेर सम्झना गरेका हुन् ।

नेपालले तस्बिरको क्याप्सनमा लेखेका छन्, ‘इतिहास हो तर धेरै पूरानो होइन‘।’ उनले सोही क्याप्सनको तलतिर तत्कालीन विद्रोही माओवादी शान्ति प्रक्रियामा आइसकेपछि माओवादी लडाकुको क्यान्टोमेन्टमा आफू पुगेको तस्बिर पनि राखेका छन् ।

उक्त तस्बिरमा अध्यक्ष नेपालसँगै माओवादी अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’, पूर्वसभामुख स्व। सुवासचन्द्र नेम्वाङ दायाँ–बायाँ लहरै उभिएका लडाकुको बीचबाट हिँड्दै गरेका देखिन्छन् ।

पूर्वप्रधानमन्त्री नेपालले राखेको तस्बिरमा पूर्वउपराष्ट्रपति नन्दकिशोर पुन ‘पासाङ’ माओवादी लडाकुको पोसाकमा छन् । तत्कालीन समयमा पासाङ माओवादी लडाकुका डेप्यूटी कमान्डर थिए । आफ्नो पार्टीका लडाकुहरूलाई माओवादीले जनसेना भन्ने गरेको थियो ।

"https://www.facebook.com/plugins/post.php?href=https%3A%2F%2Fwww.facebook.com%2Fmadhavnepaluml%2Fposts%2Fpfbid05UkTBYD2fvAAJ1wT1cj1N8yMLX716MedHsmgPFwmJe4EA8dwjPrK7oTRSNHZpkRFl&show_text=true&width=500" width="500" height="645" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture