दाङ - दाङको शान्तिनगर  गाउँपालिका २ बाघमारेस्थित दीप कृषि सहकारी संस्थामा सङ्कलन भएको दूध बिक्री नभएपछि बाटैमा पोखेर बगाइएको छ। दुग्ध विकास संस्थान कोहलपुर बाँकेलाई बिक्री गर्ने सहमतिअनुसार किसानहरूसँग दूध सङ्कलन गरिएको भए तापनि लामो समय दूध लिन नआएपछि ५र ७ सय लिटर दूध मङ्गलबार बगाइएको संस्थाका अध्यक्ष नेब बहादुर रोका मगरले बताउनुभयो

उहाँ अनुसार सरकारको स्वामित्व प्राप्त डिडिसीसँग यहाँका किसानहरूले उत्पादन गरेको दूध  बिक्री गर्ने सम्झौता भएको थियो। त्यहीअनुसार किसानहरूबाट सङ्कलन गरी ल्याएको दूध बिक्री नहुँदा  बगाइएको हो। उहाँले भन्नु भयो, ‘डिडिसीले समयमा  दूध ल्याएन, आएन, भने जति पनि लग्दैन। लामो समय दूध राख्दा बिग्रिसक्यो। आज  मात्र ५र७ लिटर दूध बगाएका  छौँ।  अझै एक हजार बढी  लिटर दूध  हामीसँग छ।’

त्यस्तैगरी उहाँले दूध लैजान डिडिसी कोहलपुरलाई फोन गर्ने गरेको भए तापनि फोन नै नउठाउने र उठाए पनि गाडी नपाउने गरेको गुनासो गर्नुभयो

उहाँले किसानहरूको दूध बिक्री नहुँदा समस्या भइरहेको बताउनुभयो।  ‘राज्यले किसानहरूलाई प्रोत्साहन गर्नुपर्ने हो। तर, यहाँ किसानहरूले उत्पादन गरेको दूध बिक्री नहुँदा विस्थापित  हुने अवस्था छ। हामीले  रहर नभई बाध्य भएर आज ५०र ६० हजार बराबर मूल्यको दूध बगाएका  छौँ। राज्यको ध्यानाकर्षण होस्, भनेर यस्तो गरेका हौँ।’

त्यस्तैगरी उहाँले किसानले निकै दुस्खले दूध उत्पादन गर्ने हुँदा त्यसले बजार नपाएको भन्दै तीन तहका सरकारले यसमा ध्यान दिनुपर्नेसमेत बताउनु भयो।

आफूहरूले सङ्कलन गर्ने दूध गुणस्तरयुक्त रहनेसमेत उहाँको भनाइ छ।  डिडिसी कोहलपुरले महिनाको १५ दिनमा एकपटक आउने र एक हजार लिटर मात्र दूध लैजाने गरेको  थियो। तर, नियमित लिन नआउँदा  समस्या भएको हो।

दैनिक ३ लिटर दूध आफूहरूले सङ्कलन  गर्ने भन्दै उहाँले डिडिसीले कम मात्रामा लैजाने गर्दा यस्तो समस्या भएको समेत बताउनुभयो।

 स्थानीय बजारमा दूध बिक्रीको व्यवस्था नहुँदा पनि समस्या भएको दूधको  गुणस्तर हेरेर किसानहरूले अधिकतम ६७ रुपैयाँ प्रतिलिटर दूधको मूल्य पाउने र एक सय बढी किसानहरू आबद्ध रहेको समेत उहाँले बताउनुभयो।