काठमाडौँ - नेपाल क्रिकेट संघ(क्यान) ले नेपाल प्रिमियर लिग (एनपीएल) का विजेताहरूका लागि पुरस्कार राशि घोषणा गरेको छ । क्यानका अनुसार उपाधि विजेताले १ करोड एक लाख रुपैयाँ पुरस्कार पाउनेछ ।

त्यस्तैगरी दोस्रो हुने टोलीलाई ५० लाख रुपैयाँ दिने भएको हो । तेस्रो र चौथो टोलीले क्रमशः ३० लाख र २० लाख रुपैयाँ पाउनेछन् । क्यानको आयोजनामा आगामी पुस ६ गतेसम्म सञ्चालन हुने पहिलो संस्करणको प्रतियोगितामा विभिन्न आठ टोलीको सहभागिता छ ।

एनपीएलको अर्को आकर्षण भनेको खेलाडीले कार पाउनु पनि हो । नेपाली क्रिकेट इतिहामा खेलाडीले खेलेरै कार पाउने यो पहिलो पटक हुनेछ । क्यानका अनुसार प्रतियोगितामा उत्कृष्ट घोषित हुने एक खेलाडीले एक थान कार पुरस्कार प्राप्त गर्नेछन् ।