काठमाडौं - नेपाल कम्युनिस्ट पार्टी (नेकपा) का महासचिव नेत्रविक्रम चन्द ‘विप्लव’ ले प्रधानमन्त्री केपी शर्मा ओलीको काम नै सरकार ढल्दैन भनेर भाषण गर्ने रहेको टिप्पणी गर्नुभएको छ ।

काठमाडौंमा आज आयोजित एक कार्यक्रममा बोल्दै महासचिव विप्लवले सरकार टिक्ने अवस्था नभएकाले देशमा विकास, निर्माणको कामले गति लिन नसकेको बताउनुभयो । सरकार कुनै पनि बेला ढल्नसक्ने भएकाले प्रधानमन्त्री ओली बचागमा केन्द्रित हुनुपरेको उहाँको जिकिर थियो ।

उहाँले भन्नुभयो, ‘सरकारले कहिले काम गर्ने हो रु प्रचण्ड कमरेड प्रधानमन्त्री हुँदा पनि दिनदिनै उहाँको कुरा के थियो रु सरकार ढल्दैन है भन्दै भोषण गर्ने । आजकल केपीजीको काम पनि सरकार ढल्दैन भनेर भाषण गर्ने मात्रै छ । नागरिकलाई के लागेको छ भने यो सरकार रातको १२ बजे ढल्न सक्छ । यो बिहानै उछिटिन सक्छ । देशको विकास कहिले गर्ने हो रु नागरिक सन्तुष्ट छैनन् ।’

‘विप्लव’ नेतृत्वको नेपाल कम्युनिस्ट पार्टी (नेकपा) ले ११ औं पार्टी पुनर्गठन दिवसको अवसरमा नेकपाले काठमाण्डौमा र्‍यालीसहित सभा आयोजना गरेको हो ।