पाल्पा - पाल्पामा दुई ट्रक एकआपसमा ठोकिदा चालकको मृत्यु भएको छ । पाल्पाको रम्भा गाउँपालिका(३ अगाहखोलामा ट्रकले ट्रकलाई ठक्कर दिँदा एकजनाको मृत्यु भएको छ ।  ट्रकचालक  रम्भा गाउँपालिका ३ बस्ने २३ वर्षीय भुवनसिंह रानाको मृत्यु भएको प्रहरीका  ।

रूपन्देहीको बुटवलबाट पोखरा जाँदै गरेको लु १ ख ९३५१ नम्बरको ट्रकले गएराति करिब ११ बजे ना १ क ७१२१ नम्बरको ट्रकलाई पछाडिबाट ठक्कर दिएको हो। ज्यान गुमाउने ९३५१ नम्बरको ट्रकका चालक हुन्।

दायाँ खुट्टा च्यापिएको अवस्थामा उद्धार गरेर उपचारका लागि  प्रहरीले लुम्बिनी मेडिकल कलेज प्रभास, पाल्पामा पठाएको थियो । उपचारको क्रममा रानाको मृत्यु भएको जिल्ला प्रहरी कार्यालय पाल्पाका सूचना अधिकारी सुनिल मल्लले जानकारी दिनुभयो।

ना १क ७१२१ नम्बरको ट्रक ट्रकका सहचालक स्याङ्जाको वालिङ नगरपालिका १० बस्ने २१ वर्षीय सञ्जित खवास थापाको हातमा चोट लागेको छ। उनको अवस्था सामान्य छ।