माल्टा पठाइदिन्छु भन्दै ६ लाखभन्दा बढी ठगी  गर्ने  व्यक्ति पक्राउ

बुधबार, माघ १७, २०८०
लुम्बिनी प्रदेश - आन्तरिक तथा कानून मन्त्रालय -  डदेरलाे

काठमाडौं - माल्टा पठाइदिन्छु भन्दै ६ लाखभन्दा बढी रकम ठगी गरेको आरोपमा प्रहरीले एकजनालाई पक्राउ गरेको छ। पक्राउ पर्नेमा ३८ वर्षीय प्रकाश गुरुङ छन्।

आन्तरिक मामिला तथा कानून मन्त्रायलय -माेसमी फ्यूबाट बच्ने उपाय

उनले दीपकराज कँडेललाई वैदेशिक रोजगारीका लागि माल्टा पठाइदिन्छु त्यसका लागि ८ लाख लाग्छ र मासिक एक लाख २० हजार तलब हुन्छ भनेर प्रलोभनमा पारी पटक–पटक गरी ६ लाख १८ हजार रुपैयाँ लिएर सम्पर्कविहीन भएका थिए।

कास्की घर भई काठमाडौं बुढानीलकण्ठ बस्ने उक्त गुरुङलाई उपत्यका अपराध अनुसन्धान कार्यालय मीनभवनबाट खटिएको प्रहरी टोलीले मंगलबार दिउँसो नयाँ बानेश्वरबाट पक्राउ गरेको हो। पक्राउ परेका गुरुङलाई थप अनुसन्धान तथा कारबाहीको लागि वैदेशिक रोजगार विभाग ताहाचल, काठमाडौं पठाइएको पनि प्रहरीले जानकारी दिएको छ।
 

प्रकाशित मिति: बुधबार, माघ १७, २०८०  १७:१७
प्रतिक्रिया दिनुहोस्